2 SAMUIL 4:7 - Tanou Moonsoi Timugon

⁷ Narayus ilo minumpos ra lamin ru Raja' Isbosit liliwa' io tatanga' nakalunus. Toboko' nilo boo io saboi minatoi. Nanginggulu' ilo ra ulu ru Raja' Isbosit am ulu no inibit nilo minugar. Nosorondom ilo minugar nansail ra Limayak Jordan.

2 SAMUIL 4:7 ပူးပေါင်းရင်းမြစ်များ

2 SAMUIL 2:29

I Abnir am ulun-ulun nano minugar nansail ra Limayak Jordan buoi nosorondom. Liminaup ilo ra Sungoi Jordan, am kalupus minugar ra nonsongorou ra sumunu' no, nakasaboi ilo ra Maganaim.

KAINGKUALAN 8:3

Sungoi Nil mototop kaga' ra antit, saboi mingkual antit intor ra timug am mumpos ra istana muno, mumpos ra lamin kaalangan am rasawat ru katil muno, am niayuk mongoi ra baloi ru pagawai muno am mamagun muno, am poyo mumpos ra pangansakan ra ruti' am intok pambaalan ra ruti'.

MATIUS 14:11

Ibito' boo ulu no am pataaki' ra ralaa no ra rondo' talam. Ibito' poyo ru ralaa no ra ina' nano.

1 SAMUIL 17:51

Nasimbul i Daut minongoi ri Goliat am bigor ra sapapa' ru inan nano. Binutus no ilang ri Goliat intor ra angkap no am inggului' ulu ri Goliat; koson raginio noyo i Daut namatoi ri Goliat. Paat ra ulun ru Palistin nakakito ra ulun maikang nilono minatoi noyo, nagigiru' ilo.

1 SAMUIL 17:54

Inalap ri Daut ulu ri Goliat am inibit no ra Jirusalim, kaa' binulian no kinandoi ri Goliat giu' ra kim nano.

1 SAMUIL 31:9

Nanginggulu' ilo ra ulu ru Raja' Saul am nangalap ra bayang pangayawan nano. Kopongo raginio nangator ulun ru Palistin ra ulun sinusub mongoi ra titikop pagun ru Palistin koson mampasaboi ra tanou moonsoi no ra ngaangai' sinungkalalaing nilono am mamagun nilono.