2 SAMUIL 4:11 - Tanou Moonsoi Timugon

¹¹ Atan poyo ru akau, mapara' piboo laat ru binaal mino! Namatoi kau noyo ra sangulun ondo' kolondo' tula, am ondo' tatanga' nombolong giu' ra baloi nano galama'! Raino mambalos aku ra kalaatan mino. Luuson takamin intor ra tana' ti!”

2 SAMUIL 4:11 ပူးပေါင်းရင်းမြစ်များ

KASAUKAN 4:11

Ginio ra inulas kou saboi kalo boo makapanangumo kou ra tana'. Sinosop ru tana' no raraa' ru boborok muno ilain koson ra ginaal no kabang mangapu ra raraa' ru boborok muno paat okou namatoi riso.

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

KASAUKAN 7:23

Napaluus Tuhan ra ngaangai' ondo' maayag ra tana' ti koson ra ulun, bibiag am susuit. Kaa' ondo' ayuk kalo minatoi, iono i Nuu am ngaangai' ondo' nababaya' riso ra kapal i.

2 SAMUIL 16:8

Nampagaau kou ra pamarintaan ru Raja' Saul! Raino inukum kou ru Tuhan sabap ra namatoi ra masuang kaga' pabukat ru Raja' Saul. Pinataak ru Tuhan pamarintaan muno ra anak muno i Absalom. Raino luuson kou, ulun mamatoi!”

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 SAMUIL 3:39

Kabalu' pana ra aku ti raja' pinili' ri Aki Kapuuno', kaa' paat orou raiti' makaliman aku ra malawo. Anak-anak ri Jiruya no malaat kaga'. Kalo tumaan aku manguasa' risilo. Polosoon noyo Tuhan mangukum ra ulun-ulun malaat no nontopot ra binaal nilono!”

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

MAZMUR 109:15

Polosoon noyo Tuhan masalok mangkara' ra tula nilo, am kolondo' sangulun pana ra ulun ru tana' ti mangkara' risilo.

MAZMUR 9:12

Koompor kono Tuhan ondo' namarinta ra Sion! Potonowo' noyo binaal Nano ra moonong bansa'!

KAINGKUALAN 21:12

“Osoi mapalamba' am mamatoi ra ulun bokon musiti' ukumin ra matoi.

KAINGKUALAN 9:15

Amon ru nangukum Aku rirun am mamagun muno ra maruol, maaru' malingon kau ngai' maluus.

AMSAL 2:22

Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.

AMSAL 25:26

Ulun moonsoi ondo' nangala ra ulun malaat koson ayuk ra taur ru timug ondo' inangkuyau kapoam tulubong ra jinamalan.

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

ABAKUK 1:4

Ginio ra undang-undang malawo am kolondo' onong; katimpakan kalo igondo' paugaro'. Ulun malaat masalok mangala ra ulun mabanis guang giu' ra makama; ginio ra katimpakan pinatimpurok.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.