2 SAMUIL 3:8 - Tanou Moonsoi Timugon

⁸ Panguwan raginio nambaal ri Abnir siminangit toojo. Kono, “Indos mu kia ra aku ti nanumbalik ri Saul am minaya' ri Jiuda? Intor ragili gumagaya' aku ra Raja' Saul ama' muno, am pabukat-pabukat nano, am niayuk rangan-rangan nano. Inindangan ku noyo okou intor ra kinala ru Raja' Daut. Kabalu' pana raginio mononsol kou raki' sabap ayuk ru ruandu'!

2 SAMUIL 3:8 ပူးပေါင်းရင်းမြစ်များ

2 SAMUIL 16:9

I Abisai, ina' nano iono i Jiruya, mindagu ra raja', “Kua polosoo' mu uku' ti magulas rirun? Iowo' aku manginggulu' ra ulu nano!”

2 SAMUIL 2:8

I Abnir anak ri Nir, panglima saujor ru Raja' Saul, nagiru' nabaya' ri Isbosit, anak ru Raja' Saul giu' ra Maganaim, giu' ra sandaup ru Sungoi Jordan.

2 SAMUIL 3:18

Gitio noyo kaluagan min. Karaa' noyo ra binantu' noyo ru Tuhan kon raginio, ‘Mamakai Aku ra ulipon Kuno i Daut koson mamayag ra ulun Kuno Israil intor ra ulun ru Palistin am intor ra ngaangai' pantula' ra bokon.’ ”

2 SAMUIL 3:9

Moonsoi poyo mangindangan aku ra Raja' Daut, sabap ra binantu' noyo ru Tuhan riso koson manalison ra pamarintaan ti intor ra Raja' Saul am papag nano, am Raja' Daut pasaukon ra raja' ru ngaangai' Israil am Jiuda. Polosoon noyo i Aki Kapuuno' no mamatoi raki' amon ru kalo suguton ku bantu' ri Aki Kapuuno' ra Raja' Daut.”

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 SAMUIL 9:8

Kuku' samba i Mipibosit igondo' poyo am indagu, “Aku ti koson ayuk ra uku' minatoi. Kua kia koonsoi kou kaga' raki'?”

2 RAJA'-RAJA' 8:13

Kon ri Gajail, “Kalo lair masauk aku ra ulun makakuasa'! Aku ti sala' ka ulun maatang!” Kaa' taam i Ilisa, “Tuhan nambala' noyo raki' ra okou masauk ra raja' ru pagun Siria.”

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

SAGULION 23:18

Ruit ondo' moowot ra ralan ragitio kalo iowon ibiton ra ralalom Baloi ru Tuhan i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru Tuhan.

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.

1 SAMUIL 17:43

Indagu i Goliat ri Daut, “Atan pakuan ra jujuga' no? Mangkara' kou kia ra aku ti uku'?” Nagulas i Goliat ri Daut ralalom inggalan ru dewa-dewa nano.