2 SAMUIL 3:27 - Tanou Moonsoi Timugon

²⁷ Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 SAMUIL 3:27 ပူးပေါင်းရင်းမြစ်များ

2 SAMUIL 13:26

Kopongo raginio indagu i Absalom, “Amon koon poyo raginio, iowo' pabukat kuno i Amnon maya' ramon.” Indagu raja' no, “Kalo pana maya' io.”

2 SAMUIL 19:13

Panusub niayuk Raja' Daut risilo mindagu ri Amasa, “Okou pabukat kuno. Intor raino lantikon tokou masauk ra panglima saujor koson malit ri Joab. Polosoon noyo i Aki Kapuuno' mamatoi raki' amon ru baal raginio kalo baalon ku!”

2 SAMUIL 3:26

Kopongo nangiruan ra Raja' Daut, nanusub i Joab ra ulun sinusub koson mampiau ri Abnir. Sinunu' nilo i Abnir mamaar ra tulubong Sira, am inibit nilo io saguli'. Ngaangai' baal raginio nasauk ra kalo napandayan ri Raja' Daut.

2 SAMUIL 3:28

Paat ra Raja' Daut nakapandai ra baal raginio, indagu io, “Nakapandai Tuhan ra mamagun am aku kolondo' sala ra namatayan ri Abnir.

2 SAMUIL 4:1

Paat ra Raja' Isbosit anak ungkuyon ru Raja' Saul, nokorongog ra pinatoi i Abnir giu' ra Gibron, malaa' io, am ngaangai' ulun ru Israil pana nonontol.

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

1 RAJA'-RAJA' 2:5

“Mokoondo' rondo' poyo baal. Lakat mu poyo makara' binaal ri Joab raki'. Namatoi io ra ruo ngaulun panglima ru saujor ru Israil, i Abnir anak ri Nir am i Amasa anak ri Jitir. Lakat mu poyo makara' ralan no namatoi risilo paat ra pababansayan koson mansuli' ra nampatayan paat ra pangayawan. Namatoi io ra ulun ondo' kolondo' sala, kaa' raino aku ti ondo' musiti' mansaan ra kinibit ru binaal nano am aku ti ondo' maimbolo'.

AMSAL 26:26

Kabalu' pana masibuni no kasisangan nano, kaa' makito niayuk kalaatan nano.

JIRIMIA 41:2

I Ismail am mopor ngaulun ondo' minaya' riso no namutus ra ilang am namatoi ri Gidalia.

UNTABAN 35:19

Pabukat mamaar ru ulun ra minatoi no pinalansanan mapaugar ra ukuman matoi no. Paat ra pabukat raginio makatuum ra namatoi no, musiti' io mamatoi ra ulun no.

UNTABAN 35:20

Amon ru masisang sasangulun ra sangulun bokon am pinatoi io ra pinampasan io, kapoam pinobobol rorondo' riso,

SAGULION 27:24

“ ‘Kaulas noyo ulun ondo' nambaal ra pamatayan ra sinokon.’ “Ngaangai' ulun tumaam ra, ‘Amin!’