2 SAMUIL 3:12 - Tanou Moonsoi Timugon

¹² Kopongo raginio nangator i Abnir ra ulun sinusub mongoi ri Daut ondo' paat raginio soroi giu' ra Gibron, ondo' nagibit ra bilin, “Osoi kia ondo' mamarinta ra pagun ti? Pambaal ra nabantuan raki', mangindangan aku rirun manguasa' ra ngaangai' bansa' ru Israil.”

2 SAMUIL 3:12 ပူးပေါင်းရင်းမြစ်များ

2 SAMUIL 19:14

Ragu-ragu ru Raja' Daut no nakabunduk ra guang ru ngaangai' ulun ru Jiuda saboi nangator ilo ra bilin ra raja' maa' raginio sumaguli' ra istana mababaya' ra ngaangai' pagawai nano.

2 SAMUIL 19:41

Kopongo raginio ngaangai' ulun ru Israil minuma' ra raja' am pangkuot riso, “Raja' mai, kua ra pabukat mai ulun ru Jiuda mangkara' ra ilo no ondo' maaya' mangkimait am mamaya' rirun, sasambaloi muno am ngaangai' ru ulun muno lumaup ra Sungoi Jordan?”

2 SAMUIL 19:6

Inanggal mu ulun ondo' motogom rirun kaa' motogom ra ulun ondo' masisang rirun. Napainono' kou noyo ra pagawai-pagawai muno am saujor-saujor muno kolondo' toojo arati' no rirun. Ilain ra masaga' kou poyo amon ru i Absalom lakat poyo maayag am akai ngaangai' matoi.

2 SAMUIL 3:11

Kalo naguta' i Isbosit sabap ra malaa' io kaga' ri Abnir.

2 SAMUIL 3:13

Taam i Raja' Daut, “Moonsoi! Mambaal aku ra nabantuan rirun ondo' rondo' kitaakon: Musiti' ibiton min i Mikgal, anak ruandu' ru Raja' Saul no raki' paat ra okou muma' raki'.”

2 SAMUIL 3:21

Kopongo raginio kon ri Abnir ra Raja' Daut, “Iowo' aku mugar koson mangkimait ra ngaangai' ru Israil maa' raginio magamung rirun. Mangapu ilo rirun koson ra raja' am kon raginio mamarinta kou ra titikop pagun, sumugut ra kasagaan muno.” Iniou boo ru Raja' Daut i Abnir mugar am minugar io ra matanda'.

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 SAMUIL 3:38

Indagu raja' no ra pagawai-pagawai nano, “Kaala' kano ngaangai' ra paat orou raiti' nailusan takau ra sangulun tingganai maatang ra Israil.

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.