2 SAMUIL 24:25 - Tanou Moonsoi Timugon

²⁵ Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

2 SAMUIL 24:25 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

2 SAMUIL 21:14

Kopongo raginio bungul-bungul ru Raja' Saul am i Jonatan, am niayuk bungul-bungul ru tulu' ngaulun no linobong giu' ra kalabangan ri Kis, ama' ru Raja' Saul, giu' ra Jila ralalom ru wilayah Binjamin, koson ra ondo' nanusuban ru raja'. Kopongo raginio bagu no nangiou i Aki Kapuuno' ra pakiasian nilo tayar ru pagun no.

2 SAMUIL 24:14

Taam Raja' Daut, “Aku ti magalabo kaga'! Kaa' marara' aku ukumin ru ulun. Polosoon noyo Tuhan no galama' mangukum ritakau, sabap ra maayo makaasi' Nano.”

1 RAJA'-RAJA' 1:1

Raino ti Raja' Daut matutuo noyo kaga'. Kabalu' pana ulipon-ulipon nano mangusib riso ra bajang, lakat io poyo masimuan.

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

UNTABAN 17:13

Amon ru ulun ondo' minggaar ra Kim ru Tuhan musiti' matoi, am kolondo' boo kalansanan mai!”

TINGGANAI RU BANSA' 21:4

Suabon no ra iosusuab, nambaal ilo ra rondo' altar ra giu' no. Napataak ilo ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.

1 SAMUIL 13:9

Indagu Raja' Saul risilo, “Ibito' min ragiti taak simbalui koson mapabansuk ra guang ru Tuhan am taak simbalui koson makibarakat ra Tuhan.” Raja' Saul galama' boo ondo' napataak ra taak simbalui no,

1 SAMUIL 14:35

Raja' Saul pana nambaal boo ra rondo' altar ra tayar ru Tuhan. Ginio noyo altar kasaa' ondo' binaal ru Raja' Saul.

1 SAMUIL 7:17

Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.

1 SAMUIL 7:9

Nanimbalui i Samuil ra sanginan anak domba mamulok am pinataak no ginio ra tayar ru taak simbalui koson mapabansuk ra guang ru Tuhan. Kopongo raginio nakiasi' io ra Tuhan mangindangan ra Israil, am iniou ru Tuhan pakiasian nano.