2 SAMUIL 24:15 - Tanou Moonsoi Timugon

¹⁵ Ginio ra pinaratong ru Tuhan maruol tumapik ra ulun ru Israil timinalimpuun ra tampilon susuab ra orou raginio saboi ra paat ondo' inaru' Nano. Suang 70,000 ngaulun minatoi giu' ra titikop ru Israil.

2 SAMUIL 24:15 ပူးပေါင်းရင်းမြစ်များ

2 SAMUIL 24:2

Kopongo raginio panusub Raja' Daut ri Joab, panglima mangayou nano, “Ongoi no mabaya' ra ulun-ulun tutumula' muno ra ngaangai' bansa' ru Israil giu' ra titikop pagun koson mampaugar ra panguntaban. Moogot aku makapandai ra suang nilo.”

1 TUNUNG RU BANSA' ISRAIL 21:14

Ginio ra pinaratong ru Tuhan maruol tumapik ra ulun ru Israil saboi 70,000 ngaulun intor risilo minatoi.

1 TUNUNG RU BANSA' ISRAIL 27:24

I Joab anak ri Jiruya nanalimpuun ra panguntaban, kaa' kalo pinongo no, sabap ra i Aki Kapuuno' nangukum ra Israil sabap ru panguntaban no. Ginio sabap ra suang nilo kalo tinulisan giu' ra ralalom ru buuk ru Raja' Daut.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

UNTABAN 25:9

Kaa' ulun ondo' minatoi suang no 24,000 ngaulun noyo.

MATIUS 24:7

Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.

1 SAMUIL 6:19

Namatoi Tuhan ra tulu' ngoopor ngaulun mamagun ru Bit-Simis sabap ra inilayan nilo ralalom ru Kaban Nabantuan no. Ginio ra nangulir mamagun ru bandar no sabap ra linumpa' ilo ru Tuhan ra baal makalalaa' kaga'.