2 SAMUIL 24:13 - Tanou Moonsoi Timugon

¹³ ratong i Gad minuma' riso am nampasaboi ra ragu ru Tuhan riso. Pangkuot nabi no, “Ati ka rondo' pilion muno? Pagun ti malumpa' ra bitilan buoi talu ngambilor, kapoam ilowon kou ru pantula' buoi talu ngansila', kapoam pagun ti matiu' ra maruol tumapik buoi talu ngoorou? Karaa' baal ragitio, am balai' aku ra taaman ondo' posoboyon kuno ra Tuhan.”

2 SAMUIL 24:13 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

2 RAJA'-RAJA' 8:1

Kalo poyo nasauk bitilan no, nambala' noyo i Ilisa ra ruandu' ondo' minayan giu' ra Sunim, ondo' anak ungkuyon nano binayag saguli' ri Ilisa, ra maparatong Tuhan ra bitilan giu' ra pagun no buoi tulu' ngambilor. Nambala' i Ilisa ra ruandu' no ra musiti' io mangiruan ra bandar no mabaya' ra sasambaloi nano am mongoi ra intok bokon.

1 TUNUNG RU BANSA' ISRAIL 21:12

Pagun ti matiu' ra bitilan buoi talu ngambilor, kapoam magiru' kou ilowon ru pantula' buoi talu ngansila', kapoam buoi ru talu ngoorou titikop pagun ti bulunsaron ru Tuhan ra ilang Nano ondo' ginio maruol tumapik am malaikat Nano magibit ra kapatayan ra ngaangai' intok. Taaman ra atan kia musiti' ku posoboyon ra Tuhan?”

MAZMUR 91:6

kapoam maruol malaat tumapik bulintok ra molondom, kapoam sauk mampaluus bulintok ra tanga' ru orou.

KAINGKUALAN 7:25

Nasailan noyo tulu' ngoorou intor ra kinulau ru Tuhan timug ru sungoi no nasauk ra raraa'.

YEHEZKIEL 14:13

“Okou ulun mapandai matoi, amon rondo' bansa' makatula am kalo gumagaya' Raki', ukumin Ku ilo am mamuso ra lutu' ru akanon nilo. Porotongon Ku bitilan am mamatoi ra ulun am niayuk bibiag.

IMAMAT 26:20

Ngaangai' pirot mino kolondo' onong, sabap ra tana' kalo manangampos am puun-puun kinawa' kalo mangkawa'.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

LUKAS 4:25

Balain takamin: Bulintok ru Nabi Ilia ra galing i, mokoondo' tampio buoi talu ngambilor am naintanga' ra ngaangai' pagun. Paat ragili bitilan giti ra pagun Israil am masuang napuor.

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 28:27

Maparatong Tuhan ra talipos ra inan min koson ondo' binaal Nano ra ulun ru Misir ragili. Nalimpot kungkung min ra kagal am kogom ondo' maatol, kaa' kolondo' tatapis no.

SAGULION 28:35

Nalimpot kalayam min ra kagal ondo' maruol, am kalo mababas. Mantalipos kau intor ra pompor ru kalayam saboi ra pompor ru abuk.

SAGULION 28:52

Mamulunsar ilo ra moonong bandar giu' ra tana' ondo' taakin ramuyun ru Tuhan i Aki Kapuuno' min, am timbok-timbok masawat am niayuk mapiot ondo' lalansanin min mangalunsai.

1 SAMUIL 25:17

Ginio ra karaa' toojo atan ondo' musiti' baalon! Baal ragitio maaru' maparatong ra baal makalalaa' ra tuan takano am ngaangai' ru sasambaloi nano. Tuan takano bambalingatan kaga' saboi marara' mangkirongog ra bilin ru osoi pana!”