2 SAMUIL 24:10 - Tanou Moonsoi Timugon

¹⁰ Kaa' kalupus nanguntob ra ulun no, makaliman Raja' Daut ra makasala. Kono boo ra Tuhan, “Iou Tuhan, natulaan aku toojo! Ampuno' aku, sabap ra binaal kuno sasambungon kaga'.”

2 SAMUIL 24:10 ပူးပေါင်းရင်းမြစ်များ

2 SAMUIL 12:13

Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

1 SAMUIL 13:13

Taam i Samuil, “Sasambungon binaal muno. Kalo giminagaya' kou ra susuban ru Tuhan, i Aki Kapuuno' muno, rirun. Amon ru giminagaya' kou, maaru' mangiou Tuhan no rirun am papag muno mamarinta ra Israil ra mantilayun.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

1 SAMUIL 24:5

Indagu ulun ri Daut no riso, “Gitio noyo kaluagan muno. Sala' ka nakaindagu alia Tuhan no rirun koson ragitio, ‘Pantula' muno pataakon Kuno rirun, guguang muno mambaal ra kasagaan muno riso.’ ” Kopongo raginio simininok i Daut minongoi ra intok ru Raja' Saul am kalo nangginia' namutul koborok ra kiing ru sukub ru Raja' Saul.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

1 TUNUNG RU BANSA' ISRAIL 21:8

Raja' Daut pana pakiasi' boo ri Aki Kapuuno', “Iou Aki Kapuuno', nambaal aku no ra tula maayo! Ampuno' aku no, sabap ra binaal kuno sasambungon kaga'.”

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

JUANIS 8:9

Kaining nilo ragu Nani, rorondo' ilo boo nangiruan ra intok i. Ondo' matutuo i siminigulu mugar, saboi sangulun ayuk boo i Jisus nabaya' ra ruandu' i, ondo' paribigor poyo ra giu' i.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

MARKUS 7:22

lumapau, kumaluluung, mambaal ra makauyuyu', mamparuung, mangusolon, manimbaal ra ragu, malilimbau, bungas am atan ayuk kalaatan.

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

AYUP 7:21

Kalo kia ampunon Mu tula kuno? Kalo kia ampunon Mu sala kuno? Kalo boo mabuoi paribontoi aku giu' ra lobong, am kalio aku boo paat ra Okou maguyum raki'.

2 TUNUNG RU BANSA' ISRAIL 32:26

Kaa' pupus no, Raja' Gijkia am mamagun ru Jirusalim minggana' guang, am Tuhan pana kalo nangukum risilo buoi ru Raja' Gijkia lakat poyo naayag.

1 SAMUIL 26:21

Taam Raja' Saul, “Sotopot no makatula noyo aku ti. Saguli' no, alii ri Daut anak kuno! Kalo boo lumaat aku rirun. Rondom i pinoloso mu aku naayag. Sasambungon aku kaga'! Binaal kuti jajajou kaga'!”

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

UNTABAN 12:11

indagu i Arun ri Musa, “Tuan, indangano' ra pai' akai polosoo' imboloon sabap ra tula ondo' binaal mai ra sambung mai.

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

1 RAJA'-RAJA' 8:35

“Paat ra Okou napauog ra rasam sabap ra ulun Muno makatula noyo Rirun, am timinalikur ilo intor ra tula am tumingkuang ra Baloi ti, am makiasi' Rirun ra minggana' guang,

KAINGKUALAN 10:16

Pampiau mataki' raja' ri Musa am i Arun, indagu io, “Makatula' aku ra Tuhan i Aki Kapuuno' min am akau.

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.

1 TUNUNG RU BANSA' ISRAIL 21:7

Siminangit i Aki Kapuuno' sabap ra atan ondo' nasauk, Io pana nangukum ra ulun ru Israil.

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.