2 SAMUIL 23:5 - Tanou Moonsoi Timugon

⁵ Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

2 SAMUIL 23:5 ပူးပေါင်းရင်းမြစ်များ

KASAUKAN 9:16

Paat makito bulintung no ra gaun no, makito Ku am mangkara' Aku ra nabantuan mantilayun Kuli am ngaangai' ondo' maayag ra tana' ti.

2 SAMUIL 12:10

Ginio sabap ra okou kalo gumagaya' Raki' am namundus kou ra andu' ri Uria, ginio ra ralalom ru moonong ra papag muno mokoondo' matoi ra potoyon.

2 SAMUIL 13:14

Kaa' marara' i Amnon maya' ra ragu nano. Sabap ra maikang poyo i Amnon intor ri Tamar, jajali' no toojo io, am rulug riso.

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

2 SAMUIL 18:14

Indagu i Joab, “Sama' noyo! Kolondo' onong mindagu rirun.” Kopongo raginio pangalap i Joab ra talu ngantaun tutura' am potoboko' ra kubab ri Absalom. Paat raginio lakat poyo i Absalom naayag am nakatair ra puun ru oak.

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

2 SAMUIL 7:18

Kopongo raginio umpos Raja' Daut ra ralalom ru kim ru Tuhan. Panturung io am pakiasi', “Iou Tuhan Raja', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

1 RAJA'-RAJA' 1:5

Kopongo i Absalom minatoi, i Adonia, anak ungkuyon ru Raja' Daut am i Gagit, nasauk ra anak ondo' matuuo toojo. I Adonia ti sangulun buayoi ondo' maindon kaga'. Raja' Daut, ama' nano, kalo igondo' sangit ri Adonia kabalu' pana nambaal io ra sala. Gumogot kaga' i Adonia masauk ra raja'. Ginio ra igukop io galama' ra kurita' kuda, pulalai mangkuda, am limo ngoopor ngaulun magalung riso galama'.

1 RAJA'-RAJA' 11:38

Amon ru gumagaya' kou Raki' ra sotopot-topot no, maayag sumugut ra ukum Kuno, manugut ra susuban Kuno, am niayuk mapabansuk ra guang Kuno, koson ra ulipon Kuno i Daut ragili, magail Aku mabaya' Rirun. Mapasauk Aku rirun ra raja' ru Israil am manutun Aku maa' raginio papag muno maparayus ra pamarintaan muno koson ra binaal Kuno ri Daut.

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 119:81

Iou Tuhan, noondom aku no kaga' ra pamayagan Muno; mangintopot aku ra bantu' Muno.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 62:2

Kalinuos kuno ayuk maginaa ri Aki Kapuuno'; Io ayuk mamayag raki'.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 54:10

Kabalu' pana gunung-gunung am bulur-bulur mauyog, kalo langgain Ku monogom rirun. Nabantuan pababansayan Kuno masalok Ku guuton,” kon ru Tuhan ondo' monogom rirun.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

JIRIMIA 33:21

Koon raginio noyo ra Aku nakimabantu' ra ulipon Kuno i Daut, ra intor ra papag nano masalok mokoondo' sangulun ondo' masauk ra raja'; am nakimabantu' Aku ra imam-imam intor ra papag ru Liwi, ra masalok ilo mangandoi ayuk Raki'. Nabantuan raginio kalo noyo toojo masulang.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

RINALATAN 13:34

Binayag Io no saguli' ri Aki Kapuuno' intor ra kapatayan; koson kalo mapasa' Io ralalom ra lobong. Kon ragino ragu ri Aki Kapuuno', ‘Aniin tokou ra barakat ondo' matulai, barakat ondo' binantu' Kuno ri Daut i.’

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

1 SAMUIL 2:35

Mampili' Aku ra sangulun imam ondo' gumagaya' Raki' am ondo' mambaal ra ngaangai' ru susuban Kuno. Manaak Aku riso ra papag ondo' magail mangandoi tayar ra imam ra raja' ondo' pilion Kuno.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.