2 SAMUIL 23:3 - Tanou Moonsoi Timugon

³ Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

2 SAMUIL 23:3 ပူးပေါင်းရင်းမြစ်များ

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

2 SAMUIL 22:32

Tuhan rorondo' ayuk i Aki Kapuuno'; i Aki Kapuuno' ayuk manaung ritakau.

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 10:9

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' ru Israil. Ginio sabap ra togom Nano mantilayun ra Israil, nampasauk Io noyo rirun ra raja' nilo maa' raginio makaugar mu ukum am katimpakan.”

NIGIMIA 5:14

Aku nasauk noyo ra gabenor ru pagun Jiuda buoi mopor am ruo ngambilor, iono intor ra bilor karuo ngoopor ra pamarintaan ru Raja' Artasasta saboi ra bilor katalu ngoopor am ruo ra pamarintaan nano. Buoi ru ginio, aku am pabukat-pabukat kuno kalo igondo' pangakan ra akanon paluntukon raki' koson ra gabenor.

AYUP 34:17

Amon masisang i Aki Kapuuno' ra katimpakan, kalo maaya' Io mamarinta. Sonsolon min kia i Aki Kapuuno' ondo' matimpok am maikang kaga'?

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 42:9

Gama' ru mapakito Tuhan ra togom Nano bulintok matawang; maa' raginio mokopongompor aku Riso bulintok rondom, am makiasi' ri Aki Kapuuno', puun ru kaayagan kuno.

MAZMUR 72:1

Intor ri Raja' Salomo. Iou Aki Kapuuno', pailaa' ukum Muno ra raja', pataako' katimpakan Muno riso,

MAZMUR 72:2

maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

AMSAL 31:9

Sungkaa' ilo no am kasauk no ra akim ondo' matimpok. Sindungi' noyo pagapuan ru ulun musikin am ulun makakapaganan.”

JISAYA 32:1

Orou ra matong no sangulun raja' mamarinta ra matimpok, am ngaangai' tingganai ru bansa' mapaugar ra katimpakan.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.