2 SAMUIL 23:23 - Tanou Moonsoi Timugon

²³ Ralalom ru pulalai raginio i Binaya ondo' mauligan kaga', kaa' io kalo maayo poyo intor ra “Pulalai Katalu”. Raja' Daut nampalantik riso masauk ra tingganai mantamung nano.

2 SAMUIL 23:23 ပူးပေါင်းရင်းမြစ်များ

2 SAMUIL 20:23

Gitilo noyo pagawai maatang ondo' linantik ru Raja' Daut: Panglima ru titikop saujor ru Israil: I Joab Tingganai mantamung ra Raja' Daut: I Binaya anak ri Joyada

2 SAMUIL 23:22

Koon raginio noyo binaal moonsoi ri Binaya, sangulun intor ra “Pulalai Talu Ngoopor”.

2 SAMUIL 23:24

Ulun ra bokon intor ra “Pulalai Talu Ngoopor” no iono: I Asail, boborok ri Joab I Ilganan anak ri Dodo ulun ru Bitligim I Sama am i Ilika ulun ru Garod I Gilis ulun ru Palti I Ira anak ri Ikis ulun ru Tikoa I Abiijir ulun ru Anatot I Mibunai ulun ru Gusa I Jalmon ulun ru Agogi I Magarai ulun ru Nitopa I Gilib anak ri Baana ulun ru Nitopa I Itai anak ri Ribai ulun ru Gibia giu' ra wilayah ru bansa' ru Binjamin I Binaya ulun ru Piraton I Gidai intor ra limayak-limayak ru Gaas I Abialbon ulun ru Araba I Ajmawit ulun Bagurim I Ilyaba ulun ru Saalbon Anak-anak ri Jasyin I Jonatan I Sama ulun ru Garari I Agiam anak ri Sarar ulun ru Garari I Ilipilit anak ri Agasbai ulun ru Maakga I Iliam anak ri Agitopil ulun ru Gilo I Gijro ulun ru Karmil I Pairai ulun ru Arbi I Jigal anak ri Natan ulun ru Joba I Bani ulun ru Gad I Jilik ulun ru Amon I Nagarai ulun ru Biirot, magibit ra kinandoi mangayou ri Joab I Ira am i Garib ulun ru Jitri I Uria ulun ru Git. Ngaangai' nilo 37 ngaulun saujor ondo' mauligan kaga'.

2 SAMUIL 8:8

Nampagaau niayuk Raja' Daut ra masuang tambaga' intor ra Bita am Birotai, bandar-bandar ondo' ragili kinuasa' ru Raja' Gadadijir.

MAMPATANOU 4:12

Ulun ondo' misangulun matasu' maala, kaa' amon ru ruo ngaulun makaanggal ra bulunsar. Talu ngakalat ondo' pinampitol masauk ra rondo' kalat, mapagon kaga' bukaton.

1 SAMUIL 22:14

Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.