2 SAMUIL 23:20 - Tanou Moonsoi Timugon

²⁰ Sangulun saujor ra bokon ondo' mauligan kaga' iono i Binaya anak ri Joyada intor ra Kabjiil. Io ti baani kaga', am nakapamatoi ra ruo ngaulun tutumula' mapanggol intor ra Moab. Sangarawan raiti, paat ra salji rumatu', siminubol io ra luang batu am pamatoi ra sanginan singa'.

2 SAMUIL 23:20 ပူးပေါင်းရင်းမြစ်များ

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

2 SAMUIL 20:23

Gitilo noyo pagawai maatang ondo' linantik ru Raja' Daut: Panglima ru titikop saujor ru Israil: I Joab Tingganai mantamung ra Raja' Daut: I Binaya anak ri Joyada

2 SAMUIL 23:19

Io noyo ondo' sasabiton toojo ra gino ngai' ru “Pulalai Talu Ngoopor” am nasauk io ra tingganai nilo, kaa' io ti kalo maayo poyo intor ra “Pulalai Katalu”.

2 SAMUIL 23:21

Nakapamatoi io niayuk ra sangulun Misir, ondo' makainan ra maayo am nantutura'. Namulunsar io ra ulun no ra balantan nano. Nampagaau io poyo ra tutura' ru maayo ulun no am namatoi riso ra tutura' no.

2 SAMUIL 23:22

Koon raginio noyo binaal moonsoi ri Binaya, sangulun intor ra “Pulalai Talu Ngoopor”.

1 RAJA'-RAJA' 1:26

Kaa' kalo nampiau i Adonia raki', Imam Jadok, i Binaya anak ri Joyada am i Salomo.

1 RAJA'-RAJA' 1:38

Kopongo raginio i Jadok, i Natan, i Binaya am ulun magalung galama' ru raja' nangkimait ri Salomo nangura' ra baghal ru Raja' Daut, am namaya' riso mongoi ra taur ru timug giu' ra Gigon.

1 RAJA'-RAJA' 1:8

Kaa' Imam Jadok, i Binaya anak ri Joyada, Nabi Natan, i Simii, i Rii, am magalung galama' ru Raja' Daut kalo manungka' ri Adonia.

1 RAJA'-RAJA' 2:46

Kopongo raginio nanusub Raja' Salomo ri Binaya koson mongoi pamatoi ri Simii. Raino Raja' Salomo makakuasa' toojo ralalom ru pamarintaan nano.

1 TUNUNG RU BANSA' ISRAIL 12:8

Paat ri Daut soroi giu' ra kubu giu' rasawat ru tana' kaagisan, masuang saujor nauligan kaga' am mangapandai toojo intor ra bansa' ru Gad minatong amung riso. Mapandai ilo kaga' mamakai ra perisai am tutura'; ilain ra baani ilo koson ra singa' am maribok ilo koson ra tambang.

KAINGKUALAN 15:15

Tingganai-tingganai ru Idom mangalaa', ulun ru Moab ondo' mangapanggol monontol; liminiot kinabaani ru ulun ru Kanaan.

JOSUA 15:21

Bandar-bandar ondo' maalur kaga' giu' ra rabugus, ondo' mamaar ra balitan ru Idom iono: Kabjiil, Idir, Jagur,