2 SAMUIL 23:18 - Tanou Moonsoi Timugon

¹⁸ Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

2 SAMUIL 23:18 ပူးပေါင်းရင်းမြစ်များ

2 SAMUIL 10:10

Napataak i Joab ra pulalai ra bokon no ri Abisai, boborok nano. Noposoroi i Abisai risilo mantaluma' ra pulalai ru ulun ru Amon.

2 SAMUIL 10:14

Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

2 SAMUIL 18:2

Kopongo raginio panusub io risilo jumalai koson mongoi pangayou ralalom talu pulalai, sigagama' tiningganai ri Joab, i Abisai boborok ri Joab, am i Itai intor ra Gat. Kon ru raja' ra ulun-ulun nano, “Aku pana maya' ramuyun.”

2 SAMUIL 2:18

Katalu-talu ngaulun anak ungkuyon ri Jiruya soroi ra giu' no: i Joab, i Abisai am i Asail. I Asail, ondo' masimbul koson ra kinaribok ru paus,

2 SAMUIL 20:10

Kalo nakito ri Amasa ilang ra kalindu' pamiris ri Joab. Pulali' ri Joab nopotobok ra ilang no ra tinai' ti Amasa saboi suang ru tinai' no nayayar ra tana'. I Joab kalo pana monobok riso poyo sabap ra minatoi i Amasa ra nagaras. Kopongo raginio i Joab am boborok nano i Abisai narayus nangilou ri Siba.

2 SAMUIL 23:19

Io noyo ondo' sasabiton toojo ra gino ngai' ru “Pulalai Talu Ngoopor” am nasauk io ra tingganai nilo, kaa' io ti kalo maayo poyo intor ra “Pulalai Katalu”.

2 SAMUIL 3:30

Koon raginio noyo i Joab am i Abisai nansuli' ri Abnir sabap ra namatoi io ri Asail, boborok nilai ralalom pangayawan giu' ra Gibion.

1 TUNUNG RU BANSA' ISRAIL 2:16

I Isai niayuk mokoondo' ruo ngaulun anak ruandu', i Jiruya am i Abigail. I Jiruya mokoondo' talu ngaulun anak ungkuyon: Abisai, Joab am Asail.

MAMPATANOU 4:12

Ulun ondo' misangulun matasu' maala, kaa' amon ru ruo ngaulun makaanggal ra bulunsar. Talu ngakalat ondo' pinampitol masauk ra rondo' kalat, mapagon kaga' bukaton.