2 SAMUIL 22:2 - Tanou Moonsoi Timugon

² Tuhan manindung raki'; Io koson ra kubu mapiot raki'.

2 SAMUIL 22:2 ပူးပေါင်းရင်းမြစ်များ

MAZMUR 71:3

Sauk no ra sindungan kuno ra mapiot, am kubu ra maikang koson manindung raki'; Okou noyo manindung am manungka' raki'.

MAZMUR 31:3

Rongogo' aku! Bayago' aku ra mataki'! Sauk no ra batu silian kuno koson mangampin raki', am manunungka' kuno koson mamayag raki'.

MAZMUR 144:2

Io noyo mangampin am manungka' raki', mamamayag raki' am intok kuno sumindung; sumingkayut aku Riso maa' raginio maayag aku. Ngaangai' bansa' pinakuku' No ra kuasa' kuno.

MAZMUR 91:2

makaindagu Riso, “Okou noyo manungka' raki' am mangampin raki'. Okou noyo i Aki Kapuuno' kuno; mangintopot aku Rirun.”

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

MAZMUR 42:9

Gama' ru mapakito Tuhan ra togom Nano bulintok matawang; maa' raginio mokopongompor aku Riso bulintok rondom, am makiasi' ri Aki Kapuuno', puun ru kaayagan kuno.

1 SAMUIL 23:25

Raja' Saul am ulun-ulun nano minatong koson maguyum ri Daut, kaa' ulun minongoi pambala' ri Daut ra baal raginio. Ongoi boo i Daut ra rondo' bulur makabatu giu' ra tana' kaagisan Maon am ayan ra giu' no. Pakapandai Raja' Saul raginio, nataki' io nangilou ri Daut.

1 SAMUIL 24:2

Paat ra Raja' Saul siminaguli' intor ra pangayawan minanggal ra ulun ru Palistin, nokorongog io ra soroi i Daut giu' ra tana' kaagisan mamaar ra In-Gidi.

2 SAMUIL 22:32

Tuhan rorondo' ayuk i Aki Kapuuno'; i Aki Kapuuno' ayuk manaung ritakau.

2 SAMUIL 22:33

Io noyo i Aki Kapuuno' ondo' manindung raki'; napasauk Io ra ralan kuno matanda'.

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.