Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.
Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.
Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”
Tatanga' i Samuil mapataak ra taak simbalui no, tumalimpuun ulun ru Palistin mamulunsar risilo. Kaa' paat raginio niayuk, naningkalur Tuhan intor ra limbowon koson mangayou ra ulun ru Palistin. Nataliajou ilo am nagigiru' ra naubong.