2 SAMUIL 22:1 - Tanou Moonsoi Timugon

¹ Kopongo Tuhan namayag ra Raja' Daut intor ra Raja' Saul am pantula'-pantula' nano ra bokon, narimbai i Daut ra rimbai ragitio tayar ru Tuhan:

2 SAMUIL 22:1 ပူးပေါင်းရင်းမြစ်များ

2 SAMUIL 12:7

Kon ri Natan ra Raja' Daut, “Okou noyo ulun no! Gitio noyo rinagu ru Tuhan, i Aki Kapuuno' ru ulun ru Israil, ‘Nangalap Aku no rirun masauk ra raja' ru Israil am namayag rirun intor ri Saul.

2 SAMUIL 22:49

am mamayag raki' intor ra pantula' kuno. Iou Tuhan, mangani' Kou raki' ra kamanangan ra pantula' kuno, am manindung raki' intor ra ulun malaat.

1 TUNUNG RU BANSA' ISRAIL 16:7

Ginio noyo ondo' kainsaa' ru Raja' Daut nanusub ri Asap am rangan-rangan nano ra gino ngai' ulun ru Liwi koson marimbai ra rimbai pangamparan ra Tuhan.

MAZMUR 34:19

Tuhan minggaar ra ulun ondo' maluoi pangkaus; am mamayag Io ra ulun ondo' malawo guang.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

KAINGKUALAN 15:1

Parimbai boo i Musa am ulun ru Israil ra rimbai ti ra Tuhan, “Masaga' ku rimbayin Tuhan sabap ra namanang Io ra moonsoi kaga'; namatir Io ra kuda am ondo' kiminura' ra kuda ralalom ru raat.

2 KORINTUS 1:10

Io no niayuk namayag ramon intor ra kapaganan ru kapatayan ondo' makalalaa' no, am masalok mamayag Io poyo ramon; sabap ragitio noyo kalansanan mai toojo Riso.

SAGULION 31:30

I Musa pana mindagu ra ngaangai' rimbai ti liliwa' ulun ru Israil mangkirongog raginio.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

TINGGANAI RU BANSA' 5:1

Paat orou raginio, narimbai i Dibora am i Barak anak ri Abinoam ra rimbai ragitio:

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.

1 SAMUIL 24:15

Imansaa' aku ti ondo' masaga' potoyon ru raja' ru Israil! Ilai' noyo aku ti ondo' ilolowon mutu! Aku ti sanginan uku' minatoi ayuk, rondo' kutu ayuk!

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.

1 SAMUIL 26:24

Koson ra aku nopoloso rirun naayag, gama' ru Tuhan niayuk mopoloso rirun maayag am mapalabus rirun intor ra ngaangai' kapaganan!”

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”