2 SAMUIL 21:7 - Tanou Moonsoi Timugon

⁷ Sabap ra Raja' Daut am i Jonatan nagibot noyo ra rondo' am bokon, kalo pinataak ru Raja' Daut i Mipibosit anak ri Jonatan, akupu ru Raja' Saul no risilo.

2 SAMUIL 21:7 ပူးပေါင်းရင်းမြစ်များ

2 SAMUIL 4:4

Sangulun poyo papag ru Raja' Saul iono i Mipibosit anak ri Jonatan. Paat ra Raja' Saul am i Jonatan pinatoi, umur i Mipibosit bagu limo ngambilor. Paat ra ulun magalung nano nokorongog ra tanou pinatayan no intor ra bandar Jijriil, inibit no anak no nagiru', kaa' sabap ra naulisok, naratu' anak no am kasauk ra kimpo'.

1 SAMUIL 23:18

I Daut am i Jonatan pana nabantu' ra tutun giu' ra saang ru Tuhan. Kopongo raginio minuli' i Jonatan ra baloi nano, am i Daut liminayun ra Oris.

1 SAMUIL 20:15

pakitono' gagaya' muno ra papag kuno ra sabuoi-buoi no. Mopongo Tuhan no mamuso ra ngaangai' ru pantula' muno,

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

2 SAMUIL 9:10

Okou, anak-anak muno am ulipon-ulipon muno, musiti' kondoyon tana' no tayar ru sasambaloi ru tuan muno, am pangani' ra ampos ru tana' no risilo koson mangukop ra pakuan nilo. Kaa' i Mipibosit magail mangakan ra mija' kuno.” (Mokoondo' i Jiba mopor am limo ngaulun anak ungkuyon am ruo ngoopor ngaulun ulipon.)

1 SAMUIL 20:8

Makiindangan aku rirun sabap ra naigot tano ru nabantuan ra saang ru Tuhan. Kaa' amon ru aku makasala, potoyo' aku no, kaa' pai' aku pataako' ra ama' muno.”

1 SAMUIL 20:42

Kopongo raginio indagu i Jonatan ri Daut, “Gama' ru i Aki Kapuuno' no mabaya' rirun. Tuhan no manutun maa' raginio ito am papag tano masalok mampaguut ra nabantuan tano ruo giu' ra saang Nano.” Kopongo raginio i Daut minugar, am i Jonatan minuli' ra bandar.

1 SAMUIL 20:17

Ginio noyo kainduo ri Jonatan nakitaak ri Daut mabantu' koson motogom riso, sabap ra io galama' motogom ri Daut koson ra inan nano galama'.

2 SAMUIL 19:25

Paat ri Mipibosit minatong intor ra Jirusalim koson manguma' ra raja', indagu raja' riso, “Kua kalo minaya' kou raki' ragili, Mipibosit?”

2 SAMUIL 16:4

Kon ru raja' ri Jiba, “Intor raino ngaangai' longgom ri Mipibosit masauk ra longgom muno.” Taam i Jiba, “Paringkuanangan raja' kuno, gama' ru masalok kou maansayan raki'.”

2 SAMUIL 9:7

Indagu Raja' Daut riso, “Pai' kalaa'. Mataau aku rirun sabap ri Jonatan, ama' muno. Mangani' aku rirun saguli' ra ngaangai' tana' ondo' ragili linonggom ru aki muli Raja' Saul. Magail kou kimaitin mangakan ra mija' kuno.”

1 SAMUIL 20:12

am indagu boo i Jonatan ri Daut, “Gama' ru Tuhan, i Aki Kapuuno' ru Israil no masauk ra sasi' to. Susuab no kapoam malaas no ra olo'-olo' paat ra raino ti, mirot aku koson manutun ra suang ru guang ru ama' kuno. Amon ru manampaliso moonsoi io rirun, kirimin tokou ra tanou.

2 SAMUIL 9:1

Paat ra sangarawan pangkuot Raja' Daut, “Mokoondo' kia osoi-osoi intor ra sasambaloi ru Raja' Saul ondo' lakat poyo maayag? Amon ru mokoondo', masaga' aku makibonsoi riso sabap ri Jonatan.”

MAMPATANOU 8:2

Gagaya' no susuban ru raja', am pai' no kalingas makimabantu' ri Aki Kapuuno'.

1 SAMUIL 24:22

Kaa' pakimabantu' no ralalom inggalan ru Tuhan ra okou kalo mamatoi ra papag kuno am kalo luluon inggalan ru sasambaloi kuno.”

2 SAMUIL 9:6

Paat ri Mipibosit anak ri Jonatan, akupu ru Raja' Saul no nakasaboi, kuku' io samba koson mangurumat ra Raja' Daut. Nanguma' Raja' Daut riso, am indagu, “Mipibosit,” am taam io, “Iou, raja' kuno.”