2 SAMUIL 21:3 - Tanou Moonsoi Timugon

³ Ginio ra pampiau Raja' Daut ra ulun ru Gibion am pangkuot risilo, “Atan kia maalap ku kabaal ramuyun? Masaga' aku mamuli' ra kasalaan ondo' binaal ramuyun, maa' raginio barakaton min ulun ru Tuhan.”

2 SAMUIL 21:3 ပူးပေါင်းရင်းမြစ်များ

2 SAMUIL 20:19

Bandar maiti maayo, rondo' ra bandar ondo' namimio toojo am gumagaya' toojo ra pagun ru Israil. Kua kia masaga' kou mapalunsai raginio? Masaga' kou kia mapalunsai ra longgom ru Tuhan?”

KAINGKUALAN 32:30

Suabon no indagu i Musa ra ulun ru Israil, “Makatula kau ra maayo. Kaa' magaloi aku poyo ra gunung no muma' ra Tuhan; gama' ru makaalap aku ra pangampunan ra tula min.”

IMAMAT 1:4

Musiti' ulun no mapabanta' ra kalindu' nano ra tampak ru ulu ru sapi' no maa' raginio taak nano apuon ru Tuhan koson taak simbalui koson mangampun ra tula nano.

JUNUS 1:11

Liliwa' raginio bagiu' mapuor kaga' liminanja', am ngaangai' anak ru kapal nangkuot ri Junus, “Atan kia musiti' baalon mai rirun koson mampalinos ra bagiu' mapuor kaga' ti?”

IBRANI 9:22

Sumugut ra Ukum ri Musa, maar ngaangai' no takisin ra raraa' koson impasawin; tula ru ulun kalo ampunon amon ru kolondo' raraa' pasasaron.

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.