2 SAMUIL 21:17 - Tanou Moonsoi Timugon

¹⁷ Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

2 SAMUIL 21:17 ပူးပေါင်းရင်းမြစ်များ

2 SAMUIL 14:7

Raino, ngaangai' ru sasambaloi kuno mantula' raki', am mansika' maa' raginio pataakon ku anak kuli ondo' namatoi no risilo. Masaga' ilo mangukum riso ra ukuman matoi sabap ra namatoi io noyo ra pabukat nano. Amon ru pataakon ku anak raginio, aku kolondo' boo anak. Mamuso ilo ra kalansanan kuno ra rondo' no ayuk am kalo manatang ra sangulun anak ungkuyon ra ralaki kuli koson manunggul ra papag nano.”

2 SAMUIL 18:2

Kopongo raginio panusub io risilo jumalai koson mongoi pangayou ralalom talu pulalai, sigagama' tiningganai ri Joab, i Abisai boborok ri Joab, am i Itai intor ra Gat. Kon ru raja' ra ulun-ulun nano, “Aku pana maya' ramuyun.”

2 SAMUIL 18:3

Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

2 SAMUIL 22:19

Paat ra aku makakapaganan, mamulunsar ilo raki', kaa' Tuhan manindung raki'.

2 SAMUIL 22:29

Iou Tuhan, Okou noyo sinda kuno; Okou mampatawang ra kalandaman kuno.

1 RAJA'-RAJA' 11:36

Kaa' iowon Ku anak ungkuyon ri Salomo mamarinta ra rondo' bansa' maa' raginio magail Aku mokoondo' sangulun intor ra papag ru ulipon Kuno i Daut koson mamarinta ra Jirusalim, bandar ondo' pinili' Kuno koson ra intok sambayangan Raki'.

1 RAJA'-RAJA' 15:4

Kaa' sabap ri Raja' Daut, Tuhan, i Aki Kapuuno' nano nanaak ra Raja' Abiam no ra sangulun anak ungkuyon ondo' namarinta giu' ra Jirusalim nalupus Raja' Abiam, am koson mapaikang ra bandar no.

MAZMUR 132:17

Giu' ra Sion sangulun papag ri Daut pasaukon Ku ra raja' ondo' urumaton toojo, paikangon Ku pamarintaan ru raja' pinili' Kuno.

MAZMUR 144:10

Pinamanang Mu raja'-raja' no, am namayag ra ulipon Muno, i Daut.

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

JIRIMIA 40:15

I Joganan pana mindagu boo riso ra sininok, “Iowo' noyo aku mamatoi ri Ismail. Kolondo' osoi pana nakapandai raginio. Kua kia pinoloso io mamatoi rirun? Baal raginio mangkinibit ra ngaangai' ulun ru Jaudi ondo' timinimung nababaya' rirun nakapantuliar saguli', am karaat ra liminumpa' ra ngaangai' ulun ondo' lakat poyo soroi giu' ra Jiuda.”

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.