2 SAMUIL 21:16 - Tanou Moonsoi Timugon

¹⁶ Paat raginio sangulun maayo ulun makainggalan ri Jisbi-Binob mangkara' ra mapatoi no Raja' Daut. Maayo ulun no nagibit ra rondo' tutura' tambaga' ondo' bagat no olo'-olo' 3.5 ngakilogram, am inabil no rondo' ilang ondo' baguon.

2 SAMUIL 21:16 ပူးပေါင်းရင်းမြစ်များ

KASAUKAN 14:5

Ralalom bilor koopor am apat, Raja' Kidorlaomir am pantutuluk nano minatong nababaya' ra saujor nilai am kinala nilo ulun ru Ripaim ra Asytirot-Karnaim, ulun ru Jujim ra Gam, ulun ru Imim ra Syawi-Kiryataim,

KASAUKAN 6:4

Paat ragili am niayuk kalupus paat ragili, makaulun mangaayo am mangapanggol. Papag ilo ru ralaa ru ulun ondo' natagandu' ra ulun ru tana' ti. Ulun-ulun raginio noyo tutumula' mapanggol ondo' nangauligan kaga' paat ra galing i.

2 SAMUIL 21:18

Kopongo raginio nasauk rondo' poyo pangayawan ru ulun ru Israil am ulun ru Palistin giu' ra Gob. I Sibkai, ulun intor ra Gusa, namatoi ra sangulun maayo ulun makainggalan ri Sap.

2 SAMUIL 21:20

Kopongo raginio mokoondo' rondo' poyo pangayawan giu' ra Gat. Giu' no mokoondo' sangulun maayo ulun ondo' masaga' kaga' mangayou. Mokoondo' io ra onom bubua' ru kalindu' ra moonong kalindu' am kalayam nano.

2 SAMUIL 21:22

Kaapat-apat ngaulun no papag ru maayo ulun intor ra Gat am ngaangai' no pinatoi ru Raja' Daut am ulun-ulun nano.

2 SAMUIL 5:18

Nakasaboi ulun ru Palistin giu' ra Limayak Ripaim am ayan ra giu' no.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

UNTABAN 13:28

Kaa' mamagun ru tana' no maikang toojo; bandar nilono mangaayo toojo am makatimbok. Mulu' poyo, nakito mai papag ru maayo ulun ra giu' no.

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

SAGULION 2:10

Galing i ulun ru Imim, rondo' bansa' ru maayo ulun, minayan giu' ra Ar. Masawat ilo koson ra ulun ru Inak ondo' niayuk bansa' ru maayo ulun.

SAGULION 2:11

Koson ra ulun ru Inak, ulun ru Imim niayuk nauligan ra ulun ru Ripaim, kaa' ulun ru Moab nanginggalan risilo ra ulun ru Imim.

SAGULION 2:21

Ulun ru Ripaim makainan masawat koson ra ulun ru Inak. Maikang ilo kaga' am masuang ilo, kaa' namuso Tuhan risilo maa' raginio makaayan ulun ru Amon ra tana' raginio.

SAGULION 3:11

Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

SAGULION 9:2

Ulun ra giu' mangasawat am mangaikang; ilo no maayo ulun, am norongog min noyo ra kolondo' sangulun pana makagula' risilo.

JOSUA 11:22

Kolondo' sangulun pana intor ra bansa' ru Inak ondo' minayan giu' ra pagun Israil, kaa' mokoondo' kukula' ngaulun ondo' lakat poyo minayan giu' ra Gaja, Gat am Asdod.

JOSUA 15:14

Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

1 SAMUIL 17:7

Pagung ru tutura' nano koson ra kinaayo ru tataun ra kuliamos ru mambaal ra konoon am mato ru tutura' no ra kinaagat no olo'-olo' tulu' ngakilogram. Sangulun saujor magibit ra perisai minugar ra saang nano.