2 SAMUIL 21:10 - Tanou Moonsoi Timugon

¹⁰ Kopongo raginio i Rijpa, ruandu' parulug ru Raja' Saul, napaapin ra konoon karung ra io galama' giu' ra rasawat ru batu intok ru baangkai-baangkai no nakabanta'. Minayan io ra giu' no intor ra talimpuun ru bulintok mangkumos saboi ra rasam riminatu' ra bulintok ru tumutu' raun. Paat ra matawang mangunjau io ra susuit intor ra morop ra baangkai, am paat ra rondom, manindung io ra baangkai no intor ra bibiag masigo.

2 SAMUIL 21:10 ပူးပေါင်းရင်းမြစ်များ

KASAUKAN 40:19

Ralalom kataluan ti palabuson kou ru raja' – am ingguluin no ulu muno! Mopongo raginio pilikon baangkai muno ra rondo' lugu' am ongoyon boo tinduko' kual muno ru susuit-susuit.”

2 SAMUIL 21:11

Paat ra Raja' Daut nokorongog ra atan ondo' binaal ri Rijpa,

2 SAMUIL 3:7

Paat ra sangarawan, Raja' Isbosit anak ungkuyon ru Raja' Saul nanguu' ri Abnir riminulug ra ruandu' parulug ru Raja' Saul ondo' makainggalan ri Rijpa anak ri Aya.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

YEHEZKIEL 39:4

I Gog am saujor nano, am niayuk saujor paguum nano matoi giu' ra kagunungan ru Israil. Polosoon Ku baangkai nilo akanon ru susuit am bibiag masigo.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

JOIL 1:18

Bibiag tinambiag mampagala' am magalabo, sabap kolondo' boo padang sakot risilo ngaangai'; sampanon ru domba pana maimbolo'.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

JAKARIA 10:1

Pakitaak ra Tuhan mamparatu' ra rasam bulintok mambusak. Tuhan noyo ondo' mamparatong ra gaun majuut am rumasam saboi umo-umo sumansam ra tayar ru moonong ulun.

SAGULION 11:14

Amon ru mambaal kau koson raginio, mamparatu' Io ra rasam ra tana' min ra bulintok nano, bulintok mopongo mangkumos am bulintok tumalimpuun mantanom. Koson raginio boo mokoondo' kau ra gandum, wain, umau jaitun,

SAGULION 21:13

am niayuk ralinin bayang. Ruandu' no musiti' mayan ra baloi muno am mangulir tayar ra matuo nano buoi sansila'. Mopongo ginio, bagu no maandu' mu io.

SAGULION 21:22

“Amon sangulun inukum ra matoi sabap nambaal ra kalaatan, am baangkai nano tairon ra lugu',

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

1 SAMUIL 17:44

Indagu io poyo koson manggal ri Daut, “Ibok, pataakin ku inan muno ra susuit kapoam bibiag maa' raginio akanon!”

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.