2 SAMUIL 21:1 - Tanou Moonsoi Timugon

¹ Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

2 SAMUIL 21:1 ပူးပေါင်းရင်းမြစ်များ

KASAUKAN 12:10

Kaa' giu' ra pagun ru Kanaan kulutong bitilan ra maaja' saboi mininjul poyo i Abram ra tampilon rabugus pagun ru Misir am mayan ra giu' saboi ra kalupusan ru bitilan.

KASAUKAN 26:1

Giu' ra pagun no, nasauk poyo bitilan, koson nasauk ra paat ri Abragam ragili. Ongoi i Isak ra bandar Girar, tuum ra Raja' Abimilik, raja' ru ulun ru Palistin no.

KASAUKAN 41:57

Ulun intor ra titikop ru tana' ti matong ra pagun ru Misir mongoi bali ra gandum intor ri Jusup, sabap ra bitilan ra makalalaa' kaga' no riminalat noyo ra ati ayuk intok.

KASAUKAN 42:5

Anak-anak ri Jakub minatong nababaya' ra ulun bokon mongoi bali ra gandum, sabap ra giu' ra tana' ru Kanaan bulintok bitilan.

KASAUKAN 43:1

Bitilan giu' ra pagun ru Kanaan no liminanja' poyo,

2 SAMUIL 16:8

Nampagaau kou ra pamarintaan ru Raja' Saul! Raino inukum kou ru Tuhan sabap ra namatoi ra masuang kaga' pabukat ru Raja' Saul. Pinataak ru Tuhan pamarintaan muno ra anak muno i Absalom. Raino luuson kou, ulun mamatoi!”

2 SAMUIL 20:26

Imam giu' ra Istana: I Ira intor ra bandar Jair.

2 SAMUIL 21:5

Taam ilo, “Masaga' Raja' Saul mamuso ramon ngaangai' maa' raginio maliom intor ra titikop ru Israil.

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

2 SAMUIL 5:23

Igondo' poyo nangkuot Raja' Daut ra Tuhan. Taam Tuhan, “Pai' ilo bulunsaro' intor ragiti. Kaa' ugar no liputo' intok ti am bulunsaro' ilo intor ra talikuron, mamaar ra puun-puun ru kertau.

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:2

I Ilia pana minugar. Bitilan giu' ra Samaria paat raginio ra najanjayan kaga',

2 RAJA'-RAJA' 6:25

Kinibit nano, bitilan ra makalalaa' nasauk giu' ra bandar raginio saboi rondo' ulu ru kaladai logo no 80 ngampila' ruit pirok am 200 ngagram tatai' ru susuit asang logo no 5 ngampila' ruit pirok.

2 RAJA'-RAJA' 8:1

Kalo poyo nasauk bitilan no, nambala' noyo i Ilisa ra ruandu' ondo' minayan giu' ra Sunim, ondo' anak ungkuyon nano binayag saguli' ri Ilisa, ra maparatong Tuhan ra bitilan giu' ra pagun no buoi tulu' ngambilor. Nambala' i Ilisa ra ruandu' no ra musiti' io mangiruan ra bandar no mabaya' ra sasambaloi nano am mongoi ra intok bokon.

AYUP 10:2

Iou Aki Kapuuno', pai' sonsol raki'. Pambala' no raki' ra panguwan Muno raki'.

MAZMUR 27:8

Mindagu guang kutu, “Ibok no sumamba Riso.” Mataki' aku matong, iou Tuhan;

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 9:20

Musiti' takau polosoon ilo maayag sabap ra nabantuan takano; amon kalo, mangukum i Aki Kapuuno' ritakau.

RUT 1:1

Galing i ra kalo poyo ulun ru Israil makaraja', makabitilan nasauk giu' ra tana' ru Kanaan. Naintuma' ragili mokoondo' sangulun ungkuyon ininggalanan ri Ilimilik. Io intor ra bansa' ru Iprata, am minayan giu' ra Bitligim ra libung Jiuda. Sabap ra bitilan no, ongoi io ra pagun Moab nabaya' ra andu' nano i Naomi, am poyo ruo ngaulun anak ungkuyon nano, i Maglon am i Kilion. Minayan ilo ra Moab ra buoi. Buoi nilo ra giu',

1 SAMUIL 10:22

Ginio ra kuati' nilo Tuhan, “Iou Tuhan, soroi kinua' ulun no ragiti?” Taam Tuhan, “Nansibuni i Saul giu' ra talikuron ru kuliamos-kuliamos.”

1 SAMUIL 23:11

Pataakon kinua' aku ti ru mamagun Kigila ti ra Raja' Saul? Motopot kia ra matong Raja' Saul koson ra ondo' norongog kutu? Iou Tuhan, i Aki Kapuuno' ru Israil, kitaakon ku, taam no raki'!” Taam Tuhan, “Iou, matong Raja' Saul.”

1 SAMUIL 23:2

Ginio ra nangkuot io ra Tuhan, “Musiti' ku kia ongoyon bulunsaro' ulun ru Palistin?” Taam Tuhan, “Iou. Bulunsaro' ilo no am bayago' noyo mamagun ru Kigila.”

1 SAMUIL 23:4

Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”