2 SAMUIL 20:9 - Tanou Moonsoi Timugon

⁹ Indagu i Joab ri Amasa, “Atan tanou, pabukat?” Liliwa' raginio guguuton ri Joab jangut ri Amasa ra kalindu' pamiris nano koson mangalok riso.

2 SAMUIL 20:9 ပူးပေါင်းရင်းမြစ်များ

2 SAMUIL 15:5

Amon ru mokoondo' ondo' minggaar ri Absalom koson igulatur ra saang nano, pakaangon ri Absalom kalindu', am gumanggol ra ulun no am mangalok riso.

2 SAMUIL 17:25

Napalantik noyo i Absalom ri Amasa masauk ra panglima saujor koson mamalit ri Joab. I Amasa anak ri Jitra, ulun ru Ismail; ina' nano makainggalan ri Abigail anak ri Nagas, pabukat ra ruandu' ri Jiruya, ina' ri Joab.)

2 SAMUIL 18:29

Pangkuot raja', “Naayag kia i Absalom, ulun mamulok no?” Taam i Agimaas, “Raja' kuno, raitii' ni paat ra aku sinusub ri Joab, panglima muno, nakito ku kumuliasou-asou ra maayo, kaa' kalo nakapandai aku ra atan nasauk.”

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

AMSAL 26:23

Koson ra paliuk binaal intor ra tana' ondo' linakatan ra pirok, koson raginio noyo ulun maamis kabang kaa' malaat guang.

AMSAL 27:6

Sangulun rangan mamalamba' ralalom katagaman, kaa' ilalai' min amon ru sangulun pantula' gumanggol ramuyun.

JIRIMIA 41:2

I Ismail am mopor ngaulun ondo' minaya' riso no namutus ra ilang am namatoi ri Gidalia.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

TINGGANAI RU BANSA' 3:15

Ulun ru Israil pana nampiau nakiindangan ra Tuhan, am nanusub Io ri Igud anak ri Gira koson mampalabus risilo; Igud ti sangulun ondo' kipang, intor ra bansa' ru Binjamin. Nanusub ulun ru Israil ri Igud nangator ra taak upiti ra Raja' Iglon intor ra Moab.