2 SAMUIL 20:6 - Tanou Moonsoi Timugon

⁶ Kon ru raja' ri Abisai, “I Siba no mantipagon poyo ritakau intor ri Absalom. Ginio ra ibito' noyo ulun-ulun kuno am ilowo' io. Amon ru kalo, maaru' makuasa' no kukula' bandar mokoondo' ra kubu, am magiru' intor ritakau.”

2 SAMUIL 20:6 ပူးပေါင်းရင်းမြစ်များ

2 SAMUIL 10:14

Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

2 SAMUIL 11:11

Taam i Uria, “Saujor ru Israil am Jiuda tatanga' mangayou giu' ra pangayawan am Kaban Nabantuan ru Tuhan soroi nababaya' risilo. I Joab, panglima takau am pagawai-pagawai ru saujor nano niayuk tatanga' mangkim giu' ra padang malimparang. Ati kulaan aku muli', mangakan am manginum, am marumak ra andu' kuno? Nagibot aku ra sabap ra okou tuan kuno ra kalo mambaal aku ra baal raginio!”

2 SAMUIL 18:12

Kaa' taam ulun no, “Kabalu' pana aniin mu aku ra saribu ngampila' ruit pirok, marara' aku mamilat ra anak ungkuyon ru raja'. Akai ngaangai' nokorongog ra atan ondo' nanusuban ru raja' rirun am i Abisai, am niayuk i Itai, maa' raginio kalo mampagabu' ri Absalom, ulun mamulok no sabap ra raja'.

2 SAMUIL 18:2

Kopongo raginio panusub io risilo jumalai koson mongoi pangayou ralalom talu pulalai, sigagama' tiningganai ri Joab, i Abisai boborok ri Joab, am i Itai intor ra Gat. Kon ru raja' ra ulun-ulun nano, “Aku pana maya' ramuyun.”

2 SAMUIL 19:7

Ginio ra ingkakat no am ongoi ra liwar am indagu koson manimayo ra guang ru ulun-ulun muno. Magibot aku ralalom inggalan ru Tuhan ra amon ru kalo mongoi kou tuum risilo, susuab no kolondo' sangulun pana maya' rirun. Baal raginio rondo' karaat ondo' maayo kaga' ondo' mailian muno buoi ru bayag.”

2 SAMUIL 2:18

Katalu-talu ngaulun anak ungkuyon ri Jiruya soroi ra giu' no: i Joab, i Abisai am i Asail. I Asail, ondo' masimbul koson ra kinaribok ru paus,

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

2 SAMUIL 23:18

Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

2 SAMUIL 3:30

Koon raginio noyo i Joab am i Abisai nansuli' ri Abnir sabap ra namatoi io ri Asail, boborok nilai ralalom pangayawan giu' ra Gibion.

2 SAMUIL 3:39

Kabalu' pana ra aku ti raja' pinili' ri Aki Kapuuno', kaa' paat orou raiti' makaliman aku ra malawo. Anak-anak ri Jiruya no malaat kaga'. Kalo tumaan aku manguasa' risilo. Polosoon noyo Tuhan mangukum ra ulun-ulun malaat no nontopot ra binaal nilono!”

1 RAJA'-RAJA' 1:33

kon ru Raja' Daut risilo, “Ibito' i Salomo, anak ungkuyon kuno, mongoi ra taur ru timug giu' ra Gigon. Polosoon io mangura' ra baghal kuno am ibito' min pagawai-pagawai ru istana mababaya' ramuyun.

1 TUNUNG RU BANSA' ISRAIL 11:20

I Abisai, boborok ri Joab iono tingganai ru “Pulalai Talu Ngoopor”. Inanggal no talu ngaatus ngaulun am namatoi risilo ra tutura' nano. Ginio ra nasauk io ra nauligan kaga' ra gino ngai' ru “Pulalai Talu Ngoopor”.

1 TUNUNG RU BANSA' ISRAIL 18:12

I Abisai, (ina' nano ininggalanan ri Jiruya) nangala am namatoi ra 18,000 ngaulun ru Idom giu' ra Limayak Asin,

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

MARKUS 3:24

Amon ru rondo' pamagunan mantutuliar am manggal, maaru' pamagunan raginio mapuso.

1 SAMUIL 26:6

I Daut pana nangkuot boo ri Agimilik ulun ru Git no, am ri Abisai pabukat ri Joab, (ina' nilono iono i Jiruya), “Osoi ondo' baani mumpos ra pangkiman ru Raja' Saul no mabaya' raki'?” Taam i Abisai, “Aku.”