2 SAMUIL 20:21 - Tanou Moonsoi Timugon

²¹ Ginio sala' ka inatang mai. Sangulun ondo' makainggalan ri Siba anak ri Bikri, intor ra intok kabuluran ru Ipraim, nanalimpuun ra gumuor ra Raja' Daut. Pataako' ulun no, am lumugut aku intor ra bandar ti.” Kon ru ruandu' no, “Iou noyo. Papatiron mai ulu nano rirun intor ra rasawat ru timbok ti.”

2 SAMUIL 20:21 ပူးပေါင်းရင်းမြစ်များ

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

2 SAMUIL 20:2

Ginio ra nanatang ulun ru Israil ra Raja' Daut am baya' ri Siba. Kaa' ulun ru Jiuda gumagaya' ra Raja' Daut am namaya' riso intor ra Sungoi Jordan saboi ra Jirusalim.

2 SAMUIL 20:20

Taam i Joab, “Totopot kalo! Kuayan kuno kalo mapalunsai kapoam mamuso ra bandar min ti!

2 SAMUIL 23:18

Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

1 RAJA'-RAJA' 11:26

Sangulun poyo pantula' ru Raja' Salomo iono sangulun ra pagawai nano, i Jirobiam anak ri Nibat intor ra Jirida giu' ra Ipraim. Ina' nano sangulun napuor makainggalan ri Jirua.

2 RAJA'-RAJA' 10:7

Kopongo ra ilo nakaapu ra surat ru Raja' Jigu, potoyo' nilo ngaangai' papag ru Raja' Agab, ondo' suang no tulu' ngoopor ngaulun. Pasuango' nilo ulu-ulu no ra kukula' bakul, am atari' ngaangai' no ra Raja' Jigu giu' ra Jijriil.

2 RAJA'-RAJA' 5:22

Taam i Gigaji, “Kolondo', kaa' sinusub aku mambala' rirun ra bagu ayuk ruo ngaulun nabi intor ra pulalai ru nabi minatong intor ra kabuluran Ipraim. Tuan kuno makitaak maa' raginio mangani' kou talu ngaribu ngampila' ruit pirok am ruo konoon moonsoi ra ruo ngaulun nabi no.”

JIRIMIA 4:15

Ulun-ulun sinusub intor ra bandar Dan am niayuk kabuluran Ipraim matong koson mampatanou ra tanou malaat.

JIRIMIA 50:19

Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

JOSUA 24:33

I Iliajar anak ri Arun minatoi, am linobong giu' ra Gibia, bandar giu' ra kabuluran Ipraim ondo' pinataak noyo ra anak nano, i Pinigas, anak ri Iliajar.

TINGGANAI RU BANSA' 2:9

Linobong io ra tana' nano galama', giu' ra Timnat-Sira, giu' ra kabuluran ru Ipraim, tampilon ralayo ru Gunung Gaas.

TINGGANAI RU BANSA' 7:24

Nanusub i Gidion ra ulun mongoi ra titikop kabuluran Ipraim koson mapasaboi ra bilin ragitio, “Ibok tuun koson mamulunsar ra ulun ru Midian. Alungi' sungoi Jordan am ngaangai' anak ru sungoi saboi ra Bit-Bara. Pai' polosoo' ulun ru Midian lumaup ra giu' no.” Bansa' ru Ipraim sinusub, am nagalung ilo ra Sungoi Jordan am ngaangai' anak ru sungoi saboi ra Bit-Bara.

TINGGANAI RU BANSA' 9:55

Paat ra ulun ru Israil nakakito ra minatoi noyo i Abimilik, uli' ilo ngaangai'.

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.

1 SAMUIL 26:9

Kaa' indagu i Daut, “Pai' mu jamari' io! Maaru' Tuhan no mangukum ra ulun ondo' lumaat ra raja' ondo' pinili' Nano.