2 SAMUIL 20:15 - Tanou Moonsoi Timugon

¹⁵ Ulun ri Joab nokorongog ra soroi i Siba ra giu' am nampaliput ilo ra bandar no. Nambaal ilo ra punsu masawat tampilon ra liwar ru timbok, am tumalimpuun mangkali ra tana' ra ragana' ru timbok koson mampatuan raginio.

2 SAMUIL 20:15 ပူးပေါင်းရင်းမြစ်များ

2 SAMUIL 20:14

Nansail i Siba ra titikop intok ru bansa' ru Israil. Kopongo raginio nakasaboi io giu' ra bandar Abil-Bit-Maakga, am ngaangai' ru bansa' ru Bikri timinimung am minaya' riso subol ra bandar.

1 RAJA'-RAJA' 15:20

Raja' Bingadad nangiou ra inatangan ru Raja' Asa, am nangator ra panglima-panglima nano am saujor nano koson mamulunsar ra bandar-bandar ru Israil. Nampagaau ilo ra Iyon, Dan, Abil-Bit-Maakga, Kinirot mamaar ra Tasik Galilia am ngaangai' ru wilayah Naptali.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 19:32

“Gitio noyo ragu ru Tuhan intor ra raja' ru Asyur, ‘Kalo makaumpos io ra Jirusalim, kapoam mapalabus ra pamanah ra tingkuang nano. Saujor-saujor ondo' mokoondo' ra perisai kalo minggaar ra bandar ti. Kalo mambaal ilo ra pumpun ru tana' koson magawang riso.

MAMPATANOU 9:14

Mokoondo' rondo' bandar boborok am mamagun nano kalo masuang. Sangulun raja' ondo' maikang mamulunsar ra bandar no, magawang am tumampos koson mamunsai ra timbok ru bandar no.

JISAYA 37:33

Gitio noyo bala' ru Tuhan koson ra raja' ru Asyur, ‘Kalo sumubol Io ra Jirusalim, kapoam mapabakis ra panah no tumingkuang riso. Saujor-saujor ra makaampin kalo minggaar ra bandar ragitio. Kalo mambaal ilo ra bujuk ru tana' koson mapalibung riso.

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 33:4

Aku, Tuhan, i Aki Kapuuno' ru Israil, minindagu ra baloi-baloi giu' ra Jirusalim am istana ru raja' ru Jiuda lunsayon, kinibit ru pagawangan am pamulunsaran ru pantula'.

JIRIMIA 6:6

Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

YEHEZKIEL 4:2

Koson boo ra tatandu' ru pagawangan ra bandar no, pambaal ra parit, tana' pinabujuk, pangkiman am tataun-tataun pomopok giu' ra liput ru batu bata no.

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.