2 SAMUIL 20:13 - Tanou Moonsoi Timugon

¹³ Pakabanding baangkai no intor ra ralan, ngaangai' ru ulun namparayus ra pangkiralanan minaya' ri Joab koson mangilou ri Siba.

2 SAMUIL 20:13 ပူးပေါင်းရင်းမြစ်များ

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

2 SAMUIL 20:11

Sangulun intor ra saujor ri Joab minigor mamaar ra baangkai ri Amasa am golok, “Osoi ondo' maya' ri Joab am Raja' Daut, musiti' maya' ri Joab!”

2 SAMUIL 20:14

Nansail i Siba ra titikop intok ru bansa' ru Israil. Kopongo raginio nakasaboi io giu' ra bandar Abil-Bit-Maakga, am ngaangai' ru bansa' ru Bikri timinimung am minaya' riso subol ra bandar.

2 RAJA'-RAJA' 18:17

Kaa' raja' ru Asyur nangirim ra rondo' pulalai ru saujor ondo' maayo intor ra Lakgis koson mamulunsar ra Raja' Gijkia giu' ra Jirusalim. Pulalai raginio tiningganai ru talu ngaulun pagawai masawat ru saujor, iono sangulun panglima, sangulun manukang ra inumon am sangulun tingganai ru magalung ra raja'. Paat ra ilo nakasaboi giu' ra Jirusalim, inaru' nilo intok giu' ra ralan, intok mambaal ra konoon no mangandoi, maar ra napaususan ra timug intor ra kulam giu' ra tampilon ra rasawat.

AMSAL 16:17

Ulun moonsoi tumuliar ra ralan kalaatan; ulun magalung ra ralan ru kaayagan nano, mangampin ra inan nano galama'.

JISAYA 36:2

Kopongo ragili Raja' Sanirib nanusub ra tingganai ru pagawai nano mintor ra Lakgis am mongoi ra Jirusalim mababaya' ra sampulalai maayo saujor koson mampajajal ra Raja' Ijkia rumuku'. Pagawai no nangalap ra intok ra ralan no, intok ru ulun mambaal ra konoon mangandoi, mamaar ra parit ondo' papatilisan ra timug intor ra kulam tampilon ra ralayo.

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 7:3

Indagu Tuhan ri Jisaya, “Ibito' noyo anak muno, i Syiar Jasub am ongoi tuum ra Raja' Agas. Mauma' mu io ra ralan intok pangandayan ru ulun mambaal ra konoon, giu' ra pompor ru parit ondo' mapatuluk ra timug intor ra kulam tampilon ra rasawat.

JIRIMIA 31:21

Tatandui' noyo ralan, am tansaki' ra panuluan ra ralan; uyumo' ralan ondo' binayaan muno ragili. Ulun kau ru Israil, uli' kano. Saguli' no ra bandar-bandar min ragili.

UNTABAN 20:19

Indagu ulun ru Israil, “Mansail akai ra ralan maayo ayuk. Amon ru manginum akai am bibiag tinambiag maino ra timug min, bayarin mai. Masaga' akai ayuk sumail.”

MARKUS 10:46

Pakasuku' i Jisus am maamaya' Nano ra bandar Jiriko. Paat ri Jisus am maamaya' Nano am niayuk ulun masuang no mangiruan ra bandar no, mokoondo' sangulun nobolou nanturung makikitaak ra kiing ru ralan. Inggalan nano i Bartimius, anak ri Timius.

TINGGANAI RU BANSA' 21:19

Kakara' nilo boo pangiantakan kabilaran tayar ru Tuhan ondo' paugaron giu' ra Silo maar noyo. (Silo ti giu' tampilon ralayo ru Bitil, giu' ra tampilon rabugus ru Libona am giu' ra tampilon sirangon ru ralan pangkilolot ru Bitil am Sikgim).

1 SAMUIL 6:12

Narayus sapi'-sapi' no minugar sumaboi ra tampilon Bit-Simis; nampangaa' sapi'-sapi' no liliwa' narayus ugar, ra kalo liminisang ra kait kapoam ra pamiris intor ra ralan maayo. Kalilimo ngaulun raja' ru Palistin no narayus nanunu' ra sapi'-sapi' no saboi ra balitan ru bandar Bit-Simis.