2 SAMUIL 20:12 - Tanou Moonsoi Timugon

¹² Baangkai ri Amasa ondo' notomok ra raraa' nakabanta' giu' ra tanga' ru ralan. Paat ra saujor ri Joab nakakito ra ngaangai' ru ulun ondo' mansail muog ra giu' no, ralaato' no baangkai no ra padang am taubi' no ra konoon.

2 SAMUIL 20:12 ပူးပေါင်းရင်းမြစ်များ

2 SAMUIL 17:25

Napalantik noyo i Absalom ri Amasa masauk ra panglima saujor koson mamalit ri Joab. I Amasa anak ri Jitra, ulun ru Ismail; ina' nano makainggalan ri Abigail anak ri Nagas, pabukat ra ruandu' ri Jiruya, ina' ri Joab.)

2 SAMUIL 2:23

Kaa' lakat poyo i Asail no mangilou riso. Paturaa' ri Abnir tutura' nano ra bakulung, am natiu' tinai' ri Asail saboi nansabut tutura' no ra bakulung nano. Naaba' i Asail ra tana' am narayus patoi ra giu' niayuk. Ngaangai' ru ulun ondo' nakasaboi ra intok io naaba' no minuog am minigor ra giu' no.

2 SAMUIL 20:11

Sangulun intor ra saujor ri Joab minigor mamaar ra baangkai ri Amasa am golok, “Osoi ondo' maya' ri Joab am Raja' Daut, musiti' maya' ri Joab!”

2 SAMUIL 20:13

Pakabanding baangkai no intor ra ralan, ngaangai' ru ulun namparayus ra pangkiralanan minaya' ri Joab koson mangilou ri Siba.

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.