2 SAMUIL 2:7 - Tanou Moonsoi Timugon

⁷ Kaikango' guang mino am baani kano! Raja' Saul, raja' mini minatoi noyo, kaa' ulun ru Jiuda nampili' raki' masauk ra raja' nilo.”

2 SAMUIL 2:7 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

2 SAMUIL 10:12

Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

2 SAMUIL 2:6

Ginio ra, gama' ru Tuhan niayuk mapakito ra togom am gagaya' Nano ramuyun. Moonsoi pamakuan kuno ramuyun sabap ra binaal mino.

2 SAMUIL 2:8

I Abnir anak ri Nir, panglima saujor ru Raja' Saul, nagiru' nabaya' ri Isbosit, anak ru Raja' Saul giu' ra Maganaim, giu' ra sandaup ru Sungoi Jordan.

2 SAMUIL 5:3

Kon raginio noyo ngaangai' tingganai ru Israil minuma' ra Raja' Daut giu' ra Gibron. Nambaal Raja' Daut ra nabantuan risilo, sauko' nilo boo io ra raja' ru Israil.

2 RAJA'-RAJA' 11:12

Kopongo raginio nagibit i Joyada ri Joas miningkual, am nampakaraun ri Joas am nangani' riso ra rondo' ralin ru ukum intor ra pamarintaan ru raja'. I Joas pana linantik boo ra raja' am baal raginio pinatanou ra mamagun. Mamagun nagilakup liliwa' giminolok, “Kaayag no raja'!”

NIGIMIA 2:18

Tunungo' ku boo ati kulaan i Aki Kapuuno' mabaya' am mangindangan raki', am atan ondo' rinagu ru raja' raki'. Taam ilo, “Ibok kano talimpuun takau mambaal!” Kopongo raginio tampos ilo koson manalimpuun ra kandoi no.

1 KORINTUS 16:13

Pagilalai' am pangintopot kano toojo, baani am mikang kau.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

1 SAMUIL 31:12

kukula' ngaulun ondo' baani kaga' minugar am nangkiralan ra buoi ru rondom minongoi ra Bit-Sian. Pinatuun nilo baangkai ru Raja' Saul am anak-anak ungkuyon nano intor ra timbok ru bandar, am inibit ginilo saguli' ra Jabis, am sinolob ngaangai' baangkai no ra giu' no.

1 SAMUIL 31:7

Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.

1 SAMUIL 4:9

Pai' kau kalaa', saujor ru Palistin kau ngai'! Pangayou kano koson ra ungkuyon! Amon ru kalo, masauk takau ra ulipon ru ulun ru Ibrani koson ilo ragili nasauk ra ulipon takau. Ginio ra baani kano ra mangayou!”