2 SAMUIL 2:26 - Tanou Moonsoi Timugon

²⁶ Intor ra giu' no, nampiau i Abnir ri Joab, “Musiti' kia mampapatoi takau ra sabuoi-buoi no? Kalo kia nakaliman kou ra pangayawan ragitio magibit ayuk ra kaimbalaan? Akai ti pabukat rondo' bansa' rirun. Kula' poyo buoi muno maginaa ra kalo poyo manusub ra ulun muno lumonggo' mangilou ramon?”

2 SAMUIL 2:26 ပူးပေါင်းရင်းမြစ်များ

2 SAMUIL 11:25

Indagu Raja' Daut ra ulun sinusub no, “Kaikango' guang ri Joab. Ragui' io, ‘Pai' kalawo guang, sabap ra topot kalo maaruan ra osoi matoi ra pangayawan.’ Susubo' io mambaal ra pamulunsaran ra maayo poyo ra bandar no saboi bandar no makuasa'.”

2 SAMUIL 2:14

Kopongo raginio indagu i Abnir ri Joab, “Ibok susubo' takau kukula' ngaulun ra ulun takati makimagula' ra manakinandoi.” Taam i Joab, “Iou.”

2 SAMUIL 2:16

Rokopon nilo ulu ru rondo' am bokon am monobok ilo ra tinai' ru rondo' am bokon, saboi ngaangai' nilo minatoi. Ginio sabap intok giu' ra Gibion no ininggalanan ra “Umo ru Ilang.”

2 SAMUIL 2:25

Giu' no ulun intor ra bansa' ru Binjamin naguguum poyo nabaya' ri Abnir, am timinampos ilo ra baris giu' ra tampak ru rondo' bulur.

2 SAMUIL 2:27

Taam i Joab, “Magibot aku ralalom inggalan ri Aki Kapuuno' ondo' naayag, amon ru kalo rinagu min koson raginio, maaru' ulun-ulun kuno mangilou ramuyun saboi masuaban.”

AYUP 18:2

“Ayup, kalo kia lumonggo' kou mindagu? Amon ru mongkoror kou am mangkirongog, mindagu akai.

AYUP 19:2

“Kua rayuson min mansawai raki', am mangimbolo' raki' ra ragu min?

MAZMUR 4:2

Taamo' noyo amon mampiau aku, iou Aki Kapuuno', Manungka' raki'! Paat ra aku makakapaganan ra galing i, matong Kou mangindangan raki'. Raino pakaasi' no raki', am rongogo' pakiasian kuno!

AMSAL 17:14

Talimpuun ru pansangaran koson ra sansag lumata'; ampangi' min pansangaran ra kalo poyo makatalimpuun.

JISAYA 1:20

Kaa' amon ru manggal kau Raki', maaru' matoi kau. Aku, Tuhan minindagu noyo.”

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 4:21

Saboi sanggilan kia musiti' aku magilong ra kinoporos ru pangayawan, am rumongog ra bolos ru bujung ondo' makalanit ra talingo?

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

RINALATAN 7:26

Iosuabon, pakakito io ra ruo ngaulun ru Israil nansangor am kinami' no ilo sawayo'. Kono risilo, ‘Akau ti mabukat. Kua malaat kau ra rondo' am bokon?’