2 SAMUIL 19:9 - Tanou Moonsoi Timugon

⁹ Ngaangai' ulun ru Israil ra titikop pagun nansasangor ra ilo po ngai'. Konilo ra rondo' am bokon, “Namayag noyo Raja' Daut ritakau intor ra pantula'. Namayag io ritakau intor ra ulun ru Palistin. Kaa' raino nagiru' io intor ri Absalom am nangiruan ra pagun ti.

2 SAMUIL 19:9 ပူးပေါင်းရင်းမြစ်များ

2 SAMUIL 15:14

Ginio ra indagu Raja' Daut ra ngaangai' ru pagawai nano ondo' soroi ra Jirusalim, “Musiti' takau magiru' raino niayuk, amon ru masaga' takau makalabus intor ri Absalom! Ribaki' min! Amon ru kalo, mataki' io makasaboi am mampaala ritakau, am niayuk mamatoi ra ngaangai' ulun giu' ra bandar!”

2 SAMUIL 18:17

Kopongo raginio alapo' nilo baangkai ri Absalom am papatiro' ra ralalom ru tulubong ondo' malandom giu' ra kataunan. Pinumpunan nilo tulubong no ra batu saboi masawat. Ngaangai' ulun ru Israil nagiru', am uli' ra baloi ru sigagama'.

2 SAMUIL 19:10

Nampalantik takau ri Absalom masauk ra raja' takau, kaa' minatoi io noyo ralalom pangayawan. Ginio ra kua kolondo' sangulun pana ondo' mirot koson magibit ra Raja' Daut sumaguli'?”

2 SAMUIL 19:40

Kopongo raja' liminaup ra sungoi no, am binaya' ru ngaangai' pulalai ru Jiuda am sampiruo ra pulalai ru Israil, ongoi raja' ra Gilgal. Minaya' i Kimgam ra Raja' Daut.

2 SAMUIL 22:44

Namayag Kou raki' intor ra ulun ondo' gumuor, am nampasauk raki' ra manguasa' ra bansa'-bansa'; bansa' ondo' kalo mauligan kuno raino nasauk ra mamagun kuno.

2 SAMUIL 5:20

Ginio ra minongoi i Daut giu' ra Baal-Pirasim am nangala ra ulun ru Palistin. Indagu io, “Jinunjung noyo ru Tuhan gagampin ru pantula' kuno, koson ra liur napajunjung ra ngaangai' no ra igondo' ayuk.” Ginio sabap ra intok no ininggalanan ra Baal-Pirasim.

MAZMUR 18:43

Tutukon ku ilo saboi ilo masauk ra kaau ondo' makasiab masampui ru angin; kikinjangin ku ilo koson ra losok giu' ra ralan.

KAINGKUALAN 32:24

Susubo' ku ilo mangani' ra limpor mas raki', am paguso' ru ulun ondo' makalimpor no am taaki' nilo raki'. Pasuboo' ku limpor mas no ra apui, am kasauk boo sapi' ti.”

1 SAMUIL 17:50

Kon raginio noyo ra kalo nanangilang, kinala ri Daut no i Goliat am namatoi riso ra pamalastik am batu.

1 SAMUIL 18:25

am nanusub Raja' Saul ra pagawai-pagawai mambala' ri Daut ra bilin ragitio, “Rondo' ayuk toojo kitaakon ru raja' no intor rirun koson ra mulo iono maatus kungkung ru khatan ru ulun ru Palistin, koson mansuli' ra pantula' nano.” (Gitio noyo ralan inatang ru Raja' Saul maa' raginio potoyon i Daut no ru ulun ru Palistin.)

1 SAMUIL 19:5

Pinataak no painawo nano paat io namatoi ri Goliat, am nanaak Tuhan no ra kamanangan ondo' maayo ra Israil. Okou galama' nakatainu raginio, am naansukan kou paat ragili. Kua kia raino masaga' kou mangimbolo' ra sangulun ondo' kolondo' sala, am masaga' mamatoi ri Daut ra kolondo' sasaban?”