2 SAMUIL 19:43 - Tanou Moonsoi Timugon

⁴³ Indagu ulun ru Israil, “Akai ti inggopor poyo gayo ru pagapuan mai intor ramuyun ra Raja' Daut. Kabalu' pana raja' no akau po ngai', kua kataman kou ramon? Pai' liliani' ra akai no ondo' kasaa' ondo' mangatang koson magibit ra raja' muli'!” Kaa' ulun ru Jiuda mingkotog poyo mampasalula' ra pagapuan nilo intor ra ulun ru Israil.

2 SAMUIL 19:43 ပူးပေါင်းရင်းမြစ်များ

2 SAMUIL 19:14

Ragu-ragu ru Raja' Daut no nakabunduk ra guang ru ngaangai' ulun ru Jiuda saboi nangator ilo ra bilin ra raja' maa' raginio sumaguli' ra istana mababaya' ra ngaangai' pagawai nano.

2 SAMUIL 19:9

Ngaangai' ulun ru Israil ra titikop pagun nansasangor ra ilo po ngai'. Konilo ra rondo' am bokon, “Namayag noyo Raja' Daut ritakau intor ra pantula'. Namayag io ritakau intor ra ulun ru Palistin. Kaa' raino nagiru' io intor ri Absalom am nangiruan ra pagun ti.

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

2 SAMUIL 20:6

Kon ru raja' ri Abisai, “I Siba no mantipagon poyo ritakau intor ri Absalom. Ginio ra ibito' noyo ulun-ulun kuno am ilowo' io. Amon ru kalo, maaru' makuasa' no kukula' bandar mokoondo' ra kubu, am magiru' intor ritakau.”

2 SAMUIL 5:1

Kopongo raginio ngaangai' bansa' ru Israil minuma' ra Raja' Daut giu' ra Gibron. Konilo riso, “Akai ti okou poyo ngai'.

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

AMSAL 13:10

Limbau magibit ra kapaganan; ulun mapintar mangapu ra pangilaan.

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

AMSAL 17:14

Talimpuun ru pansangaran koson ra sansag lumata'; ampangi' min pansangaran ra kalo poyo makatalimpuun.

AMSAL 18:19

Maguguyu mangirot ra pabukatan koson ra timbok ru bandar ondo' mapiot, kaa' pantataaman mangukat ra pabukatan.

ROMA 12:21

Pai' polosoo' kalaatan ru ulun no mangkinibit ramuyun mambalos saguli', kaa' balasi' min kalaatan no ra moonsoi.

GALATIA 5:15

Amon ru malaat kau saboi mamparuol ra rondo' am bokon, ilalai' min, amon ru kalo, makapabaya' kau ngaangai' mapuso.

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

JAKUBUS 1:20

Ulun ondo' mataki' malasu' guang, kalo noyo makapambaal ra atan ondo' mapabansuk ra guang ri Aki Kapuuno'.

TINGGANAI RU BANSA' 8:1

Kopongo raginio indagu bansa' ru Ipraim ri Gidion, “Kua kia kalo nampiau kou ramon paat okou namulunsar ra ulun ru Midian? Kua kia ra ginio boo pinamakuan muno ramon?” Koson raginio noyo ilo nambubutok ri Gidion.

TINGGANAI RU BANSA' 9:23

Kopongo raginio napatabual Tuhan ra pansangaran ri Abimilik am mamagun ru Sikgim, saboi giminuor ilo ri Abimilik.