2 SAMUIL 19:41 - Tanou Moonsoi Timugon

⁴¹ Kopongo raginio ngaangai' ulun ru Israil minuma' ra raja' am pangkuot riso, “Raja' mai, kua ra pabukat mai ulun ru Jiuda mangkara' ra ilo no ondo' maaya' mangkimait am mamaya' rirun, sasambaloi muno am ngaangai' ru ulun muno lumaup ra Sungoi Jordan?”

2 SAMUIL 19:41 ပူးပေါင်းရင်းမြစ်များ

2 SAMUIL 19:11

Ragu raginio nakasaboi ra Raja' Daut. Ginio ra panusub Raja' Daut ra Imam Jadok am Imam Abiatar mangkuot ra tingganai-tingganai ru Jiuda, “Kua akau ondo' pupus toojo manguma' ra raja' am maamaya' riso sumaguli' ra istana?

2 SAMUIL 19:12

Sala' ka kia akau no pabukat am aku pi ngai'? Kua akau ondo' pupus toojo makitaak maa' raginio muli' aku?”

2 SAMUIL 19:3

Minuli' ilo ra bandar ra nongkoror, koson ra saujor ondo' mauyu' sabap ra nagiru' noyo intor ra pangayawan.

TINGGANAI RU BANSA' 12:1

Paat raginio, bansa' ru Ipraim nakatampos koson ra mangayou. Liminaup ilo ra Sungoi Jordan am sumaboi ra Japon. Konilo ri Jipta, “Kua pangayou kau ra ulun ru Amon ra kalo nangkimait ramon? Raino solobon mai akau mababaya' ra suang ru baloi min.”

TINGGANAI RU BANSA' 8:1

Kopongo raginio indagu bansa' ru Ipraim ri Gidion, “Kua kia kalo nampiau kou ramon paat okou namulunsar ra ulun ru Midian? Kua kia ra ginio boo pinamakuan muno ramon?” Koson raginio noyo ilo nambubutok ri Gidion.