2 SAMUIL 19:17 - Tanou Moonsoi Timugon

¹⁷ Nagibit io ra saribu ngaulun intor ra bansa' ru Binjamin nababaya' riso. I Jiba, ulipon ru sasambaloi ru Raja' Saul, niayuk minatong nababaya' ra mopor am limo ngaulun anak ungkuyon nano am ruo ngoopor ngaulun ulipon. Nakasaboi ilo ra Sungoi Jordan nakapagulu intor ra raja'.

2 SAMUIL 19:17 ပူးပေါင်းရင်းမြစ်များ

2 SAMUIL 16:5

Paat ra Raja' Daut nakasaboi ra Bagurim, sangulun intor ra intok raginio minatong inggaar ra pulalai ru raja' liliwa' nagulas ra Raja' Daut. Inggalan ru ulun no i Simii anak ri Gira, sangulun intor ra pabukat ru Raja' Saul.

2 SAMUIL 19:18

Nangindangan ilo ra sasambaloi ru raja' lumaup ra sungoi am nambaal ra ngaangai' ondo' nanusuban ru raja'. Paat ra raja' nakatampos koson lumaup ra sungoi, igulatur i Simii ra saang nano

2 SAMUIL 3:16

Kaa' sumunu' i Paltiil ri Mikgal liliwa' mantangi'. Paat ra ilo nakasaboi giu' ra bandar Bagurim, indagu i Abnir ri Paltiil, “Sama' noyo, uli' ayuk!” Kopongo raginio minuli' i Paltiil.

2 SAMUIL 9:10

Okou, anak-anak muno am ulipon-ulipon muno, musiti' kondoyon tana' no tayar ru sasambaloi ru tuan muno, am pangani' ra ampos ru tana' no risilo koson mangukop ra pakuan nilo. Kaa' i Mipibosit magail mangakan ra mija' kuno.” (Mokoondo' i Jiba mopor am limo ngaulun anak ungkuyon am ruo ngoopor ngaulun ulipon.)

2 SAMUIL 9:2

Paat raginio mokoondo' sangulun ulipon ru sasambaloi ri Raja' Saul ondo' inggalan no i Jiba. Sinusub io muma' ra Raja' Daut. Pangkuot Raja' Daut riso, “Okou kia i Jiba?” Taam io, “Iou, raja' kuno.”

1 RAJA'-RAJA' 2:8

Mokoondo' sangulun poyo ondo' inggalan no i Simii anak ri Gira, intor ra bandar Bagurim giu' ra wilayah Binjamin. Nagulas io raki' ra malaat paat ra aku minongoi ra Maganaim. Kaa' paat ra io minatong uma' raki' giu' ra Sungoi Jordan, nambantu' aku ralalom inggalan ru Tuhan ra kalo potoyon ku io.