2 SAMUIL 19:1 - Tanou Moonsoi Timugon

¹ Binalaan i Joab ra Raja' Daut tatanga' manulaboi am mangulir ri Absalom.

2 SAMUIL 19:1 ပူးပေါင်းရင်းမြစ်များ

KASAUKAN 37:35

Ngaangai' anak ungkuyon am anak ruandu' nano minongoi panimayo riso, kaa' marara' io simoyoon. Indagu io, “Mangulir aku ra anak kuli saboi ra aku matoi.” Pangungulir io ra anak nali i Jusup.

2 SAMUIL 18:12

Kaa' taam ulun no, “Kabalu' pana aniin mu aku ra saribu ngampila' ruit pirok, marara' aku mamilat ra anak ungkuyon ru raja'. Akai ngaangai' nokorongog ra atan ondo' nanusuban ru raja' rirun am i Abisai, am niayuk i Itai, maa' raginio kalo mampagabu' ri Absalom, ulun mamulok no sabap ra raja'.

2 SAMUIL 18:14

Indagu i Joab, “Sama' noyo! Kolondo' onong mindagu rirun.” Kopongo raginio pangalap i Joab ra talu ngantaun tutura' am potoboko' ra kubab ri Absalom. Paat raginio lakat poyo i Absalom naayag am nakatair ra puun ru oak.

2 SAMUIL 18:20

Indagu i Joab, “Pai', orou raiti' kalo iowon kou mampasaboi ra tanou moonsoi. Posoboyon mu ginio ra orou ra bokon, kaa' sala' ka orou raiti', sabap ra anak ungkuyon ru raja' minatoi noyo.”

2 SAMUIL 18:33

Kopongo nokorongog ra tanou raginio mangiluk kaga' raja', am pagaloi ra guang giu' ra rasawat ru kulobon garabang liliwa' nanulaboi, “Alii ra anak kuli! Alii ra anak kuli i Absalom! I Absalom, anak kuli! Moonsoi poyo ra aku ondo' minatoi namalit rirun, anak kuno! I Absalom, anak kuno!”

2 SAMUIL 18:5

Panusub raja' ri Joab, i Abisai am i Itai, kono, “Sabap ra aku, pai' gabuo' i Absalom, ulun mamulok no.” Ngaangai' ru saujor nokorongog ra Raja' Daut nanusub ra ngaangai' ru tingganai ru pulalai.

2 SAMUIL 19:2

Ginio ra kaansukan ra namanangan paat ra orou raginio nakulau nasauk ra panguliran ra ngaangai' saujor ru Raja' Daut, sabap ra nokorongog ilo ra mangulir raja' ra anak nano.

AMSAL 17:25

Anak ra sasambungon mantipagon ra guang ru ama' nano am mapangiluk ra guang ru ina' nano.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.