2 SAMUIL 18:9 - Tanou Moonsoi Timugon

⁹ Paat ri Absalom nangura' ra baghal nano, pulali' io nakatuum ra ulun ru Raja' Daut. Baghal nano nansail ra ragana' ru puun oak ondo' makalu, saboi nakasangut ulu ri Absalom ra raan ru tataun no. Narayus baghal nano nagiru' am i Absalom natatang am nakatair ra giu' no.

2 SAMUIL 18:9 ပူးပေါင်းရင်းမြစ်များ

2 SAMUIL 14:26

Abuk nano masampung kaga', am musiti' io mopolompor igondo' sambilor sabap ra malimanan no maagat kaga'. Abuk ondo' linompor no bagat no nasailan intor ra ruo ngakilogram sumugut ra timbangan ru raja'.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

AYUP 31:3

Mamparatong Io ra karaat am kapusaan risilo ondo' nambaal ra kasalaan.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

MARKUS 7:10

Sabap ra nakaindagu i Musa ra galing i, ‘Urumato' noyo ama' am ina' mino! Osoi ayuk mampaluta' ra ama' kapoam ina' nano, maaru' ukumin ra potoyon!’

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

2 SAMUIL 18:14

Indagu i Joab, “Sama' noyo! Kolondo' onong mindagu rirun.” Kopongo raginio pangalap i Joab ra talu ngantaun tutura' am potoboko' ra kubab ri Absalom. Paat raginio lakat poyo i Absalom naayag am nakatair ra puun ru oak.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

SAGULION 27:20

“ ‘Kaulas noyo ulun ondo' manauyu' ra ama' nilono sabap namparulug ra sangulun intor ra andu' ru ama' nilono.’ “Ngaangai' ulun tumaam ra, ‘Amin!’

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

MATIUS 27:5

Papatiro' ri Judas ruit no ra ralalom Baloi Tuhan am iruani' no ilo. Ugar io boo am ongoi sigot pantuwo.

2 SAMUIL 13:29

Ulipon-ulipon ri Absalom nambaal ra susuban no am namatoi ri Amnon. Anak ungkuyon ru Raja' Daut ra bokon no nangura' ra baghal ru sigagama' am pagigiru'.

2 SAMUIL 18:8

Pangayawan no nakaralat ra titikop ru intok raginio, am masuang poyo ulun ondo' minatoi naaput giu' ra ralalom ru kataunan intor ra minatoi ra tatanga' ru pangayawan.

2 SAMUIL 18:10

Sangulun intor ra ulun ru Raja' Daut nakakito ri Absalom am nambala' ra baal raginio ri Joab, “Tuan, raitii' ni nakakito aku ri Absalom nakatair ra puun ru oak!”