2 SAMUIL 18:3 - Tanou Moonsoi Timugon

³ Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

2 SAMUIL 18:3 ပူးပေါင်းရင်းမြစ်များ

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

1 RAJA'-RAJA' 22:31

Raja' ru pagun ru Siria nanusub ra talu ngoopor am ruo ngaulun panglima ru pulalai ru mangkurita' kuda nano maa' raginio kalo mamulunsar ra osoi ayuk pana ondo' ayuk am raja' ru Israil no.

2 SAMUIL 17:2

Bulunsaron ku io paat ra io lakat poyo maagui am malawo guang. Malaa' io saboi ngaangai' ulun nano magigiru'. Raja' Daut ayuk ondo' potoyon kuno.

2 SAMUIL 10:11

Kon ri Joab ra boborok nano, “Amon ru kalo tumaan aku manggal ra saujor ru Siria, indibok pangindangan raki'; kaa' amon ru kalo tumaan kou manggal ra saujor ru Amon, matong aku mangindangan rirun.

1 SAMUIL 18:7

Liliwa' nansasayau ruandu'-ruandu' narimbai koson ragitio, “Raja' Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.”