2 SAMUIL 18:21 - Tanou Moonsoi Timugon

²¹ I Joab pana mindagu boo ra ulipon nano, ulun ru Itiopia, “Ongoi noyo balai' raja' ra atan ondo' nakito mu noyo.” Igulatur ulipon no am ongoi ra nasimbul.

2 SAMUIL 18:21 ပူးပေါင်းရင်းမြစ်များ

2 SAMUIL 18:20

Indagu i Joab, “Pai', orou raiti' kalo iowon kou mampasaboi ra tanou moonsoi. Posoboyon mu ginio ra orou ra bokon, kaa' sala' ka orou raiti', sabap ra anak ungkuyon ru raja' minatoi noyo.”

2 SAMUIL 18:22

Kaa' gino jajajal i Agimaas ri Joab, “Kabalu' ra atan pana ondo' masauk, iowo' aku niayuk mongoi pampasaboi ra tanou.” Pangkuot i Joab, “Kua jajal kou mongoi, anak kuno? Kolondo' maapu muno ra tangguang koson ra baal raginio.”

2 SAMUIL 18:23

Kon poyo ri Agimaas, “Kalo pana. Mongoi aku niayuk.” Kon ri Joab, “Amon koon poyo raginio, ongoi no.” I Agimaas pana nasimbul nansusug ra ralan ondo' mansail ra Limayak Jordan, am kalo nabuoi raginio nakasigulu io ra ulipon no.

2 SAMUIL 18:31

Kopongo raginio ulipon ra bansa' Itiopia no nakasaboi, am indagu ra raja', “Nagibit aku ra tanou moonsoi rirun! Paat ra orou raiti' Tuhan nangani' rirun ra kamanangan ra ngaangai' ulun ondo' giminuor rirun.”