2 SAMUIL 18:19 - Tanou Moonsoi Timugon

¹⁹ Kopongo raginio indagu i Agimaas anak ri Jadok ri Joab, “Iowo' aku mongoi uma' ra raja' am mampasaboi ra tanou moonsoi ra namayag noyo Tuhan ra raja' intor ra pantula'.”

2 SAMUIL 18:19 ပူးပေါင်းရင်းမြစ်များ

2 SAMUIL 15:27

Tungguli' poyo ru raja' ragu nano ri Jadok, “Kimaiti' noyo i Agimaas anak muno am i Jonatan anak ri Abiatar, am saguli' no ra bandar ra mamimio.

2 SAMUIL 15:36

I Agimaas anak ri Jadok am i Jonatan anak ri Abiatar niayuk maya' ra ama' nilo. Pangator no raki' ra ngaangai' tanou pabalaan galing ri Agimaas am i Jonatan.”

2 SAMUIL 17:17

Liliwa' raginio i Jonatan anak ri Abiatar am i Agimaas anak ri Jadok tatanga' maginaa mamaar ra taur ru timug In-Rogil, giu' ra kiing ru bandar Jirusalim. Kalo baani ilo mumpos ra bandar sabap ra malaa' ilain ru ulun. Koson ra kaindalaman, makaalap ilo ra tanou intor ra sangulun ulipon ruandu' ondo' mampasaboi ra tanou ondo' musiti' pabalaan ra Raja' Daut.

2 SAMUIL 18:20

Indagu i Joab, “Pai', orou raiti' kalo iowon kou mampasaboi ra tanou moonsoi. Posoboyon mu ginio ra orou ra bokon, kaa' sala' ka orou raiti', sabap ra anak ungkuyon ru raja' minatoi noyo.”

2 SAMUIL 18:23

Kon poyo ri Agimaas, “Kalo pana. Mongoi aku niayuk.” Kon ri Joab, “Amon koon poyo raginio, ongoi no.” I Agimaas pana nasimbul nansusug ra ralan ondo' mansail ra Limayak Jordan, am kalo nabuoi raginio nakasigulu io ra ulipon no.

2 SAMUIL 18:31

Kopongo raginio ulipon ra bansa' Itiopia no nakasaboi, am indagu ra raja', “Nagibit aku ra tanou moonsoi rirun! Paat ra orou raiti' Tuhan nangani' rirun ra kamanangan ra ngaangai' ulun ondo' giminuor rirun.”

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 10:18

Rongogon Mu tangi' ru ulun nailusan ra matuo am ulun ondo' inimbolo'; sungkaan Mu ilo maa' raginio kalo boo ilaanon ilo ru ulun.

MAZMUR 7:6

polosoo' ayuk pantula' kuno mangilou am mamparakop raki', am potoyon am tatangon nilo aku ra tana'!

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

MAZMUR 9:4

Paat ra Okou papulusat matong, pantula' kuno liminukiat; nakasaru ilo ra naratu' am minatoi.

JIRIMIA 51:31

Ulun-ulun sinusub mansusunu' koson nambala' ra raja' ru Babilonia ra bandar nano binulunsar intor ra moonong pisuk.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”