2 SAMUIL 18:18 - Tanou Moonsoi Timugon

¹⁸ Buoi ri Absalom naayag, nanirong io ra rondo' batu pangkaraan nano galama' giu' ra Limayak Raja', sabap ra kolondo' io ra anak ungkuyon koson manungkus ra papag nano. Ininggalanan no batu pangkaraan no sumugut ra inggalan nano galama'. Saboi ra orou raiti' batu pangkaraan no nauligan ra Batu Pangkaraan ri Absalom.

2 SAMUIL 18:18 ပူးပေါင်းရင်းမြစ်များ

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

2 SAMUIL 14:27

Mokoondo' i Absalom ra talu ngaulun anak ungkuyon am sangulun anak ruandu' ondo' mantalur kaga', makainggalan ri Tamar.

1 SAMUIL 15:12

Katawang ra suabon no ra iosusuab ayuk poyo, inuyum ri Samuil no Raja' Saul. Norongog ri Samuil ra minugar noyo Raja' Saul minongoi ra bandar Karmil koson manirong ra batu pangkaraan ra tayar nano galama' ra giu' no. Kopongo raginio narampus Raja' Saul minongoi ra Gilgal.

KASAUKAN 14:17

Kopongo i Abram nangala ra Raja' Kidorlaomir am pantutuluk nano, saguli' io. Uma' boo raja' Sodom ri Abram giu' ra Limayak Syawi ondo' sabiton niayuk ra Limayak Raja'.

MAZMUR 109:13

Polosoon noyo ngaangai' papag nano mapuso, am inggalan nano lilianin ru anak-anak bagu.

MAZMUR 49:11

Osoi pana nakapandai ra ulun mapintar no matoi; ulun sasambungon am ulun gigiison no pana matoi. Tatangon nilo ngaangai' rapu' nilono ra ulun bokon.

KASAUKAN 11:9

Bandar no ininggalanan ra Babil sabap ra giu' noyo jinajou ru Tuhan ragu ru ulun, am ra giu' noyo napatuliaran ru Tuhan ra ulun ra titikop ru tana' ti.

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

UNTABAN 32:42

I Noba namulunsar am minayan ra bandar Kinat am ngaangai' pekan ra libung no. Ininggalanan no bandar raginio ra Noba, sumugut ra inggalan nano galama'.

JISAYA 22:16

“Indos mu osoi kia okou ti? Atan kuasa' muno saboi okou galama' nambaal ra luang ru lobong muno galama' giu' ra bulur batu?