2 SAMUIL 18:15 - Tanou Moonsoi Timugon

¹⁵ Kopongo raginio mopor ngaulun ulun ri Joab nanguup ri Absalom am namatoi riso.

2 SAMUIL 18:15 ပူးပေါင်းရင်းမြစ်များ

2 SAMUIL 12:10

Ginio sabap ra okou kalo gumagaya' Raki' am namundus kou ra andu' ri Uria, ginio ra ralalom ru moonong ra papag muno mokoondo' matoi ra potoyon.

2 SAMUIL 18:14

Indagu i Joab, “Sama' noyo! Kolondo' onong mindagu rirun.” Kopongo raginio pangalap i Joab ra talu ngantaun tutura' am potoboko' ra kubab ri Absalom. Paat raginio lakat poyo i Absalom naayag am nakatair ra puun ru oak.

2 SAMUIL 18:16

Panusub i Joab ra ulun manamput ra bujung maa' raginio ulun-ulun nano lumonggo' mangilou ra pulalai ru Israil.

2 SAMUIL 19:11

Ragu raginio nakasaboi ra Raja' Daut. Ginio ra panusub Raja' Daut ra Imam Jadok am Imam Abiatar mangkuot ra tingganai-tingganai ru Jiuda, “Kua akau ondo' pupus toojo manguma' ra raja' am maamaya' riso sumaguli' ra istana?

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

MAZMUR 37:35

Nakakito aku ra ulun malaat ondo' masaga' mangimbolo' ra ulun bokon; ilo no masawat koson ra sawat ru puun sidar giu' ra Libanon;

AMSAL 17:11

Kapatayan matong koson ra ulun sinusub ondo' malaat kaga' mongoi ra ulun malaat ondo' masalok mapalabui ra kaayatan.

AMSAL 28:17

Sangulun mamamatoi pampaguangan nano koson ra ilolowon saboi io matoi. Pai' kinam pangindangan riso.

MAMPATANOU 10:8

Osoi ayuk nangkali ra luang ra tana', maratu' ilo ra ralalom nano. Osoi ondo' nomopol ra timbok no tindukon ru kukuo.