2 SAMUIL 18:10 - Tanou Moonsoi Timugon

¹⁰ Sangulun intor ra ulun ru Raja' Daut nakakito ri Absalom am nambala' ra baal raginio ri Joab, “Tuan, raitii' ni nakakito aku ri Absalom nakatair ra puun ru oak!”

2 SAMUIL 18:10 ပူးပေါင်းရင်းမြစ်များ

KASAUKAN 12:6

liputo' ri Abram tana' raginio saboi io nakasuku' ra puun matulai giu' ra Mori, iono intok sambayangan giu' ra Sikgim. (Paat raginio ulun ru pagun ru Kanaan lakat poyo minayan ra tana' raginio).

2 SAMUIL 18:9

Paat ri Absalom nangura' ra baghal nano, pulali' io nakatuum ra ulun ru Raja' Daut. Baghal nano nansail ra ragana' ru puun oak ondo' makalu, saboi nakasangut ulu ri Absalom ra raan ru tataun no. Narayus baghal nano nagiru' am i Absalom natatang am nakatair ra giu' no.

2 SAMUIL 18:11

Taam i Joab, “Atan? Nakito mu io? Kua pai' mu indapati' namatoi riso? Maaru' aniin tokou ra mopor ngampila' ruit pirok am rondo' abot.”

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

AYUP 31:3

Mamparatong Io ra karaat am kapusaan risilo ondo' nambaal ra kasalaan.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”