2 SAMUIL 18:1 - Tanou Moonsoi Timugon

¹ Nanimung Raja' Daut ra ngaangai' ulun nano, am tinayar no ilo nasauk ra kukula' pulalai ondo' suang intor ra saribu am maatus ngaulun. Kopongo raginio nampalantik io ra kukula' ngaulun tutumula' koson maningganai ra moonong pulalai.

2 SAMUIL 18:1 ပူးပေါင်းရင်းမြစ်များ

KAINGKUALAN 17:9

Indagu i Musa ri Josua, “Pilio' kukula' ngaulun koson mangayou ra ulun ru Amalik ra susuab no. Migor aku ra tampak ru bulur liliwa' mampaguut ra jujuga' koson ra nanusuban ri Aki Kapuuno'.”

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

UNTABAN 31:14

Siminangit i Musa ra tingganai-tingganai ru saujor am komandan ru pulalai no ondo' bagu minuli' intor ra pangayawan.

SAGULION 20:9

Mopongo pagawai-pagawai ru saujor mindagu, tingganai ru moonong pasimpungan musiti' pilion.

JOSUA 8:10

Orou ra suabon no, i Josua kiminarat mataki' am nampiau ra saujor timinimung. I Josua pana am tingganai-tingganai ru ulun ru Israil naningganai ra pulalai ru saujor no mongoi ra bandar Ai.

1 SAMUIL 22:7

indagu io ra pagawai-pagawai nano, “Rongogo', akau ngaangai' ulun ru Binjamin! Mangkara' kau kia ra i Daut no mangani' ramuyun ra umo am umo ru anggur? Saukon kau kia ngaangai' ra pagawai ralalom ru saujor nano?

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.