2 SAMUIL 17:8 - Tanou Moonsoi Timugon

⁸ Okou nakapandai ra Raja' Daut am ulun-ulun nano tutumula' ondo' maikang ra baani. Ilo no koson ra kinasangit ru baawang ruandu' ondo' natatakan ra anak nano. Raja' Daut ti niayuk sangulun saujor makanailian, ondo' kalo igondo' pombolong ra rondom ti mabaya' ra ulun-ulun nano.

2 SAMUIL 17:8 ပူးပေါင်းရင်းမြစ်များ

2 SAMUIL 15:18

Ngaangai' pagawai ru raja' minigor ra sapapa' nano paat ra pulalai ru mantamung ra raja' mansail ra saang nano. Suai raginio suang no onom ngaatus ngaulun saujor ondo' minaya' riso intor ra Gat niayuk mansail ra saang nano.

2 SAMUIL 17:9

Maaru' lair paat ra raino ti pana tatanga' io nansibuni giu' ra ralalom ru rondo' luang batu kapoam intok ra bokon. Paat ayuk ra ulun-ulun muno bulunsaron ru Raja' Daut, am mokoondo' ra matoi, maaru' ra osoi ayuk ondo' mokorongog ra baal raginio mindagu ra ulun-ulun muno kinala noyo.

2 SAMUIL 23:16

Nokorongog ra ragu raginii, talu ngaulun saujor ondo' mauligan kaga' no nanubol ra nangkiman ru ulun ru Palistin giu' ra Bitligim. Nansagou ilo ra timug intor ra tulubong no am ibito' ra Raja' Daut. Kaa' marara' Raja' Daut manginum ra timug no, sasari' no timug no koson ra taak ra Tuhan.

2 SAMUIL 23:18

Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

2 RAJA'-RAJA' 2:24

Likar i Ilisa, ponontong ra lalaing-lalaing no, am pagulas risilo ralalom inggalan ru Tuhan. Kopongo raginio ruo ngainan baawang ruandu' miningkual intor ra kataunan am bibinsango' inan ru apat ngoopor am ruo ngaulun intor ra lalaing-lalaing no.

AMSAL 17:12

Moonsoi poyo maguma' ra ina' ru baawang ondo' natatakan ra anak nano, ka maguma' ra ulun sasambungon ondo' masalok mambaal ra sambung nano.

AMSAL 28:15

Mangunguasa' ra malaat ondo' mangulipon ra ulun musikin koson ra singa' ondo' mansangal kapoam baawang ondo' mansaam.

YEHEZKIEL 19:2

Ina' min koson ra singa' ruandu' ondo' totopot baani. Nampasukor io ra anak-anak nano ra gino ngai' ru singa'-singa' ungkuyon ondo' masangit.

DANIL 7:5

Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”

GOSIA 13:8

Bulunsaron Takamin koson ra baawang ondo' natatakan ra anak. Bibinsangon Takamin. Koson ra singa' saamon Takamin ra giu' no, am koson ra bibiag masigo bibinsangon Takamin.

TINGGANAI RU BANSA' 18:25

Indagu ulun ru bansa' ru Dan riso, “Pongkoror! Amon ru kalo, sumangit ngaangai' ulun ti am mamulunsar rirun. Magu' okou am ngaangai' sasambaloi muno matoi.”

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 17:50

Kon raginio noyo ra kalo nanangilang, kinala ri Daut no i Goliat am namatoi riso ra pamalastik am batu.

1 SAMUIL 23:23

Ilai' min toojo intok-intok ondo' nasauk ra pansibunian nano, am kataki' kau saguli' mambala' raginio raki'. Ongoyon ku boo mabaya' ramuyun. Amon ru lakat io poyo soroi ra intok raginio, maaru' sunuon ku io kabalu' pana ra musiti' aku lumiput ra titikop ru Jiuda.”