2 SAMUIL 17:22 - Tanou Moonsoi Timugon

²² Ginio ra Raja' Daut am ulun-ulun nano liminaup ra Sungoi Jordan, am nakasaboi ra sandaup paat ra tumawang.

2 SAMUIL 17:22 ပူးပေါင်းရင်းမြစ်များ

2 SAMUIL 17:21

Ingkual i Agimaas am i Jonatan intor ra tulubong no, am mataki' minugar tumuum ra Raja' Daut. Nambala' ilo ra ngaangai' ondo' nasauk. Konilo, “Nambilin i Agitopil koson mamulunsar rirun. Ginio ra ugar no raino niayuk am laup ra sungoi ti.”

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

2 SAMUIL 17:24

Nakasaboi noyo Raja' Daut ra bandar Maganaim paat ri Absalom liminaup ra Sungoi Jordan am binaya' ru ulun ru Israil. (

MAZMUR 42:6

Kua pangiluk guang kuno? Kua kia pagalabo aku? Malansan aku ri Aki Kapuuno' am igondo' poyo aku mongompor Riso, i Aki Kapuuno' kuno am mamamayag raki'.

AMSAL 27:12

Ulun ra mapintar iliwin no kalaanan amon ru makito no, kaa' ulun sasambungon polosoon no io malumpa' ra karaat am tauli no pansagulian guang nano.

UNTABAN 31:49

minuma' ri Musa am indagu, “Inuntob mai noyo ngaangai' saujor ondo' tiningganai maino am kolondo' sangulun pana natatak.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

JUANIS 18:9

Minindagu Io raginio, koson nasugut boo ondo' rinagu Nano ragili; ‘Ama', intor ra ulun-ulun ragitio ondo' pinataak Muti Raki', kolondo' sangulun pana maluus.’)