2 SAMUIL 17:14 - Tanou Moonsoi Timugon

¹⁴ Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:14 ပူးပေါင်းရင်းမြစ်များ

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 15:34

Kaa' makapangindangan kou raki' amon ru sumaguli' kou ra bandar. Kopongo raginio ragui' i Absalom ra raino masaga' kou mangandoi ra gumagaya' riso, koson ra okou nangandoi ra ama' nano ragili. Koon raginio noyo ra okou makasulang ra ngaangai' bilin ri Agitopil.

2 SAMUIL 16:23

Paat raginio moonong bilin ri Agitopil inapu toojo, koson ayuk ra ngaangai' no ragu ri Aki Kapuuno' galama'; ra Raja' Daut am niayuk i Absalom manugut ra bilin ri Agitopil.

2 TUNUNG RU BANSA' ISRAIL 10:15

Tuhan i Aki Kapuuno' masaga' manugut ra ragu Nano ondo' pinasaboi ri Jirobiam anak ri Nibat ondo' pinabala' galing ra Nabi Agia intor ra Silo. Ginio noyo sabap ra raja' kalo nampalio ra kinitaak ru mamagun.

2 TUNUNG RU BANSA' ISRAIL 10:8

Kaa' kalo linio ru Raja' Rigabiam pinson ru ulun-ulun tuu' lair. Nangkuot io piboo ra ulun mangamulok ondo' pantuu' nano, am ondo' raino nasauk ra maminson riso.

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

2 TUNUNG RU BANSA' ISRAIL 25:20

Raja' Amajia kalo nampalio ra pinson no. Ginio noyo kasagaan ru Tuhan maa' raginio Raja' Amajia kalaan, sabap ra sinamba no ngaangai' sinungkalalaing ru ulun ru Idom.

NIGIMIA 4:15

Pantula' mai nokorongog ra inatang malaat nilo napandayan mai noyo. Ginio ra nakaliman ilo ri Aki Kapuuno' nanulang noyo ra inatangan nilo. Akai ngaangai' pana siminaguli' boo nangandoi namuna' ra timbok no.

AYUP 12:17

Binubul No kapintaran ru pamarinta, am nangkinibit ra tingganai nasauk ra kukuritin.

MAZMUR 9:15

maa' raginio mokopongompor aku Rirun ra saang ru mamagun ru Jirusalim. Magilakup am maansukan aku ra Okou namayag raki'.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

SULABOI 3:37

Kasagaan ru Tuhan ayuk ondo' masalok masauk.

AMOS 9:3

Amon ru mansibuni ilo giu' ra tampak ru Gunung Karmil, uyumon am rokopon Ku ilo. Amon ru mansibuni ilo giu' ra lonor ru raat, manusub Aku ra tambuakal ru raat koson kumokot risilo.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

JOSUA 11:20

Tuhan nambaal risilo miningkotog mangayou ra ulun ru Israil, maa' raginio makai' ilo pusoon am potoyon ra kolondo' guang makaasi'. Ginio noyo ondo' nanusuban ru Tuhan ri Musa.