2 SAMUIL 17:10 - Tanou Moonsoi Timugon

¹⁰ Kinibit ru ginio, ulun ondo' baani kaga' am maikang toojo koson ra singa' pana malaa'. Ngaangai' ulun giu' ra Israil makapandai ra ama' muno sangulun tutumula', am ra ulun-ulun nano tutumula' ondo' maikang ra baani.

2 SAMUIL 17:10 ပူးပေါင်းရင်းမြစ်များ

KASAUKAN 49:9

I Jiuda abigin koson ra singa'. Makapansaam io, sumaguli' io ra luang nano; mambilor am magupu' io, am kolondo' osoi pana makakau' mangulinjo riso.

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

2 SAMUIL 17:9

Maaru' lair paat ra raino ti pana tatanga' io nansibuni giu' ra ralalom ru rondo' luang batu kapoam intok ra bokon. Paat ayuk ra ulun-ulun muno bulunsaron ru Raja' Daut, am mokoondo' ra matoi, maaru' ra osoi ayuk ondo' mokorongog ra baal raginio mindagu ra ulun-ulun muno kinala noyo.

2 SAMUIL 23:20

Sangulun saujor ra bokon ondo' mauligan kaga' iono i Binaya anak ri Joyada intor ra Kabjiil. Io ti baani kaga', am nakapamatoi ra ruo ngaulun tutumula' mapanggol intor ra Moab. Sangarawan raiti, paat ra salji rumatu', siminubol io ra luang batu am pamatoi ra sanginan singa'.

MAZMUR 89:19

Okou, Tuhan nampili' ra manindung ramon; Okou, i Aki Kapuuno' Ondo' Matulai Kaga', i Aki Kapuuno' ru ulun ru Israil nanaak ramon ra raja'.

KAINGKUALAN 15:15

Tingganai-tingganai ru Idom mangalaa', ulun ru Moab ondo' mangapanggol monontol; liminiot kinabaani ru ulun ru Kanaan.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

RIMBAI PANGAMPARAN 3:7

Ilai' ginio bandasan ru Raja' Salomo, liniputan ru onom ngoopor ngaulun saujor, ulun-ulun tutumula' ondo' baani maikang giu' ra Israil.

JISAYA 13:7

Moonong kalindu' ru sasangulun masauk lamumu', am moonong gogot ru sasangulun matatak.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

YEHEZKIEL 21:15

Ulun Kuno mansiab ambiluo am maratu' ra makasaru. Tatanga' aku mangakang ra bandar nilo ra ilang ondo' manguliat koson ra ganit, am ondo' nakatampos koson mampatoi.

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”