2 SAMUIL 16:23 - Tanou Moonsoi Timugon

²³ Paat raginio moonong bilin ri Agitopil inapu toojo, koson ayuk ra ngaangai' no ragu ri Aki Kapuuno' galama'; ra Raja' Daut am niayuk i Absalom manugut ra bilin ri Agitopil.

2 SAMUIL 16:23 ပူးပေါင်းရင်းမြစ်များ

2 SAMUIL 15:12

Liliwa' ri Absalom mampataak ra taak simbalui, nangator io niayuk ra ulun sinusub ra bandar Gilo koson mampiau ri Agitopil, sangulun intor ra maminson ra Raja' Daut. Koon raginio noyo baal nampakatan koson manggal ra Raja' Daut lumanja' ikang, am maamaya' ri Absalom lumanja' suang.

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 17:1

Kalo nabuoi raginio, indagu i Agitopil ri Absalom, “Iowo' aku mampili' ra mopor am ruo ngaribu ngaulun. Rondom no mugar aku koson mangilou ra Raja' Daut.

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

AYUP 5:12

Jinajou No inatangan ru ulun mamparuung, am nampalandak ra ulun mapintar, saboi ilo malandak ru pampaguangan nilo galama' am ngaangai' pirot nilo kalo nasugut.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 28:2

Rongogo' aku no bulintok ra aku mampiau makiindangan, painsawaton ku longon kuno tumingkuang ra Baloi Muno ondo' matulai.

MAMPATANOU 10:1

Baangkai ru bulongor nampalaat ra sambutul umau maamis owou, koson raginio niayuk ra kalo matanda' koborok ondo' makairu' ra kapintaran masawat kaga'.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

ROMA 1:22

Indos nilo mapintar ilo, kaa' sotopot no sasambungon ilo.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 SAMUIL 30:8

Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”