2 SAMUIL 16:12 - Tanou Moonsoi Timugon

¹² Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 SAMUIL 16:12 ပူးပေါင်းရင်းမြစ်များ

2 SAMUIL 16:13

Ginio ra Raja' Daut am ulun-ulun nano namparayus ra pangkiralanan, liliwa' i Simii nangkiralan ra maribok maya' risilo giu' ra igig ru bulur liliwa' magulas am momobol risilo ra batu am tana'.

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 109:28

Kabalu' pana magulas ilo raki', kaa' barakaton Mu aku. Polosoon noyo ilo ondo' mangimbolo' raki' no kalaan, am gama' ru bansukon aku ti, ulipon Mutu.

MAZMUR 132:1

Rimbai ru ratangan. Iou Tuhan, karaa' noyo i Daut, am ngaangai' kapaganan ondo' sinaanan nano.

MAZMUR 25:18

Guango' noyo nansalinut pagon am imbolo' kuno am ampuno' noyo nansalinut tula kuno.

AMSAL 25:22

Binaal mino mapakauyu' risilo, am kinoonsoi mino balasin ru Tuhan.

AMSAL 26:2

Koson ra susuit mansiab am sasoyob-soyob giu' ra limbowon, koon niayuk ra pagulasan kalo makatiu' ra ulun kolondo' sala.

JISAYA 27:7

Israil kalo poyo igondo' inukum ru Tuhan koson ra kinaagat mangukum ra pantula' nilono. Kalo potoyon No ulun Nano koson ra Io mamatoi ra pantula' Nano.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

SAGULION 23:5

Kaa' Tuhan i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.

SAGULION 23:6

Buoi ra akau maayag am saboi ra sabuoi-buoi no, pai' pambaal ra atan-atan koson mangindangan ra bansa'-bansa' raginio, kapoam mapasauk risilo ra langkaya'.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

IBRANI 12:10

Lapos am ila' ru ama' takano ondo' maya' ra pamaguangan nilo moonsoi, sotopot no kalo mantilayun; kaa' lapos am ila' ri Aki Kapuuno' inatang No ritakau, maa' raginio kolondo' boo tula takau mogondo' Riso.

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”